Macarıstan hökuməti İsrailin Baş naziri Netanyahuya qarşı atılan addımlara görə Beynəlxalq Cinayət Məhkəməsinə reaksiya verib və məhkəmədən çıxmaq prosesinə başladığını açıqlayıb.

Macarıstan parlamenti mayın 20-də ölkənin Beynəlxalq Cinayət Məhkəməsindən (BCM) çıxması prosesini başladan qanunu qəbul edib.

Orban hökuməti qərarı aprelin 3-də İsrailin Baş naziri Benyamin Netanyahunun BCM-nin həbs qərarına baxmayaraq nadir xarici səfəri çərçivəsində Macarıstana gəlməsindən qısa müddət sonra elan edib.

BCM-yə üzv olan Dövlətlərin Assambleyasına sədrlik bu addımdan narahatlığını bildirib.

Beynəlxalq Cinayət Məhkəməsi iyirmi ildən artıqdır ki, müharibə cinayətləri, insanlıq əleyhinə cinayətlər və soyqırımda ittiham olunanları mühakimə etmək üçün yaradılıb.

Orban keçən ay deyib ki, BCM indi “qərəzsiz məhkəmə deyil, qanunun aliliyi məhkəməsi deyil, siyasi məhkəmədir”.

Macarıstan İsrailin baş nazirinin həbsi ideyasını rədd edərək, qərarı "cəsarətli" adlandırıb.

Netanyahunun həbsi dönüş nöqtəsidir

Macarıstan BCM-nin təsisçilərindən biridir və məhkəmənin təsis sənədini 2001-ci ildə ratifikasiya edib. Lakin bu qanun hələ də qüvvəyə minməyib.

BMC-dən çıxmaq qərarı 134 ölkənin lehdə, 37 üzvün isə əleyhdə səs verməsi ilə qəbul edilib.

Baş nazirin müavini Zsolt Semjenin parlamentə təqdim etdiyi qanun layihəsində deyilir: "Macarıstan beynəlxalq təşkilatların, xüsusən də cinayət məhkəmələrinin siyasi təsir aləti kimi istifadəsini qəti şəkildə rədd edir".

Netanyahu Macarıstanın BCM-dən çıxmaq qərarını “cəsarətli və prinsipial qərar” kimi qiymətləndirib.

İsrailin baş naziri Qəzzada hərbi cinayətlər törətdiyi iddiası ilə BCM-nin həbs qərarı ilə üzləşib. Netanyahu bu ittihamları rədd edib.

Ölkənin BCM-dən çıxması Birləşmiş Millətlər Təşkilatının Baş katibinə yazılı bildiriş göndərildikdən bir il sonra qüvvəyə minir.