Група граѓани кои во четвртокот наутро се собраа пред влезот на зградата на Градското собрание во Белград, физички се пресметаа со обезбедувањето. Конфликтот избувнал кога граѓаните се обиделе да ја тргнат заштитната ограда пред зградата и да влезат во Собранието.

По неколку минути обезбедувањето било заменето со полициски службеници кои привеле неколку лица за кои постои сомневање дека учествувале во тепачка со обезбедувањето.

Граѓаните опколија полициско возило не дозволувајќи му да се движи, а неколку опозициски советници и граѓани се судрија со полицијата.

Насобраните граѓани пред Градското собрание извикуваа „Рацете ви се крвави“ и фрлаа со јајца и црвена боја кон зградата на Градското собрание.

Митингот претходно беше најавен преку социјалните мрежи, а еден од главните организатори е Иницијативата „Мостот останува“ која се противи на отстранувањето на Стариот Савски мост.

Организаторите на митингот повикаа на блокирање на седницата на градското собрание во Белград, која почна нешто по 10 часот во четвртокот. 

Како што наведоа, „единствените легитимни точки на дневниот ред треба да бидат поддршка на студентските протести и мораториум на нетранспарентни градежни проекти“.

Членовите на опозицијата успеаја накратко да ја прекинат седницата на градскиот совет со интонирање на химната на Република Србија. 

Советниците од движењето „Започни промени“ и од „Зелено-левиот фронт“ ширea српски знамиња пред говорницата. Тие ги поканија пратениците од владејачкото мнозинство да им се придружат во интонирањето на химната, но тие останаа во своите фотелји.

Советникот на движењето Старт промени Саво Манојловиќ рече дека седницата се одржала незаконски и дека „претседавачот нема записник, ниту знае што се гласа или како се гласа“.