Седум лица се повредени во четвртокот, од кои две потешко, кога два јужнокорејски воени борбени авиони случајно исфрлиле осум бомби надвор од полигон за време на воена вежба, соопштија официјални лица.

Властите добија извештај во 10 часот по локално време дека граната паднала на пат во близина на куќа во Почеон, лоцирана на 40 километри северно од главниот град Сеул, при што биле повредени седум лица и оштетени седум згради, објави Јонхап њуз.

Противпожарните служби соопштија дека две лица се здобиле со тешки телесни повреди, од кои повеќето се скршеници. Повредените лица се пренесени во болници.

Воените претставници изјавија дека борбените авиони КФ-16 кои учествувале во вежбата со боева муниција случајно исфрлиле четири бомби МК-82, секоја надвор од назначениот полигон за обука во Почеон.

Воздухопловните сили соопштија дека истрагата за инцидентот е во тек, извинувајќи се за штетата предизвикана на цивилите и уверувајќи ги дека ќе бидат обесштетени.

Претходно денеска, Јужна Кореја и САД спроведоа заедничка воена вежба на 25 километри јужно од меѓукорејската граница, распоредувајќи над 160 парчиња воена опрема.