Թուրքիայի նախագահ Ռեջեփ Թայիփ Էրդողանը բոլոր քրիստոնյաներին շնորհավորել է Սուրբ Զատիկը։
«Ի սրտե շնորհավորում եմ մեր քրիստոնյա քաղաքացիներին, ովքեր պատկանում են տարբեր եկեղեցիների և դավանանքների, Զատկի տոնի առթիվ»,- նշել է Էրդողանը կիրակի օրը տարածած հայտարարության մեջ:
«Որպես քաղաքակրթության անդամներ, որը հիմնված է հարգանքի և սիրո վրա, մենք մեծ կարևորություն ենք տալիս նրան, որ մեր բոլոր քաղաքացիները, ովքեր հազարավոր տարիներ Անատոլիան դարձրել են խաղաղության երկիր, կարողանան ազատորեն պահպանել իրենց կրոնը, մշակույթը և ավանդույթները»,- ընդգծել է նա:
Նախագահը մաղթել է, որ Զատկի տոնի բերած խաղաղության և սիրո ոգին, որը միասնության, եղբայրության և կիսվելու խորհրդանիշ է, միշտ ուղեկցի մարդկությանը:
«Այս զգացումներով, ևս մեկ անգամ շնորհավորում եմ Զատկի տոնը բոլոր քրիստոնյաներին, հատկապես մեր քրիստոնյա քաղաքացիներին, և փոխանցում եմ իմ լավագույն մաղթանքները խաղաղության և բարօրության համար»,- նշել է Էրդողանը:
