Японияда шайлоочулар премьер-министр Шигеру Ишибанын азчылык өкмөттүк коалициясы үчүн чечүүчү сыноо болгон шайлоодо парламенттин Жогорку палатасына 125 депутатты шайлоо үчүн добуш беришүүдө.

Жалпысынан 104 миллион япон жараны 519 талапкердин ичинен Жогорку палатанын депутаттарын шайлоого укуктуу.

75 орун округдар боюнча шайланат, ал эми калган 50 орун пропорционалдык өкүлчүлүк аркылуу тандалат.

Шайлоо участкалары жергиликтүү убакыт боюнча кечки саат 8де (1100GMT) жабылат, ал эми жыйынтыктар жекшемби күнү кечинде белгилүү болот.

Nippon News агенттигинин маалыматына ылайык, жума күнгө чейин рекорддук деңгээлде 21,4 миллион адам алдын ала добуш берип, бул жалпы шайлоочулардын 20,58 пайызын түздү.

Учурда башкаруучу коалиция, Ишибанын Либералдык Демократиялык Партиясы (ЛДП) жана анын кичи өнөктөшү Комейто партиясы, Жогорку палатада 75 орунга ээ. Бирок көпчүлүктү сактап калуу үчүн алар 125 орундан кеминде 50 орунду алышы керек.

Сурамжылоолорго караганда Ишиба жетектеген ЛДП жана коалициялык өнөктөшү Комэйто парламенттин 248 орундуу Жогорку Кеңешинде көпчүлүктү сактап калуу үчүн зарыл болгон 50 орунду ала албашы мүмкүн экенин көрсөтүүдө. Бул шайлоодо Жогорку Кеңештин жарымы шайланат.

ЛДП акыркы жолу Жогорку палатадагы көпчүлүгүн 2007-жылы жоготкон.

Бул шайлоо баалардын өсүшү, аймактык коопсуздук, АКШ менен болгон мамилелер, тышкы саясат жана өлкөнүн социалдык камсыздоо системасынын келечеги сыяктуу маанилүү маселелердин көлөсөкүндө өтүп жатат.

Ишиба шайлоо алдындагы акыркы күнү партиясына колдоо көрсөтүү үчүн шайлоочуларга кайрылып: "Эгер саясатчылар азыркы учурду гана жана өздөрүн гана ойлосо, бул өлкө жок болуп кетет," - деди.

Токиодо сүйлөгөн сөзүндө :"Эмне болсо болсун Японияны коргошубуз керек, анткени кийинки алты жыл Япония жана дүйнө үчүн эң кыйын мезгил болот," - деп кошумчалады.