د امریکا ولسمشر ډونالډ ټرمپ د غزې په اړه د اسرائیلو د پلانونو په اړه چپتیا ته دوام ورکوي.
هغه په دې اړه د واضح ځواب له ورکولو ډډه وکړه چې ایا امریکا به د اسرائیلو لخوا د محاصرې لاندې د غزې د بشپړ اشغال ملاتړ وکړي او که نه.
کله چې د خبریالانو لخوا پوښتنه وشوه، ټرمپ وویل چې دا پریکړه به تر ډیره حده د اسرائیلو پورې اړه ولري، او هغه نه غواړي نوره تبصره وکړي.
روسیه وايي، په اشغال شوي فلسطیني سیمو کې د اسرائیلي غیر قانوني میشتو له لوري د دوې پر ډیپلوماټانو برید شوی دی.
د روسیې د بهرنیو چارو وزارت د سه شنبې په ورځ وویل چې د جولای په ۳۰ مه نیټه د روسیې د سفارت یو موټر چې ډیپلوماټیک لمبر پلیټ يي هم درلود بیت المقدس ته نږدې د ګیو ات اساف د غیرې قانوني اشغال شوې سیمې نه تیریده او د فلسطین د ملي ادارې تر کنټرول لاندې سیمې ته روان وو او ډیپلوماتان پکې سپاره ول د غیر قانوني اسرائیلي مېشتو کسانو له خوا پرې برید وشو.
وزارت زیاته کړه: "موټر ته تخنیکي زیان اوښتی دی. ددې سربیره روسي ډیپلوماتانو ته لفظي ګواښونو هم شوي دي."
وزارت ټینګار وکړ چې دا پېښه "په ځانګړي ډول د اندېښنې وړ او د منلو وړ نه ده" ځکه چې دا د اسرائیلي پوځي پرسونل د شتون په ترڅ کې رامنځته شوې، چې هغوی "د بریدګرو د تاوتریخوالي د مخنیوي لپاره هېڅ هڅه ونه کړه."
امریکا د اذربایجان او ارمنستان د سولې د خبرو کوربه توب کوي.
یو امریکايي چارواکي د رویټرز خبري اژانس ته ویلي دي چې د امریکا ولسمشر ډونالډ ټرمپ به د جمعې پر ورځ په سپینه ماڼۍ کې د ارمنستان او اذربایجان مشرانو د سولې د مذاکراتو کوربه توب وکړي.
چارواکي د سه شنبې په ورځ وویل چې امکان شته د جمعې په غونډه کې د سولې تړون چوکاټ اعلان شي.
د واشنګټن پوسټ ورځپاڼې د دې خبرو په اړه لومړی راپور ورکړی و.
په پاکستان کې پولیسو د پخواني لومړي وزیر عمران خان د ګوند تر سلو زیات غړي نیولي دي.
دا نیونې د شپې د چاپو په ترڅ کې د خان د زنداني کیدو د دوه کلونو د لمانځلو لپاره د پلان شوي لاریون څخه مخکې ترسره شوې.
تر ټولو زیات توقیفونه په لاهور کې شوي، چیرې چې د خان ګوند، پاکستان تحریک انصاف، د لویې مظاهرې ژمنه کړې وه.
د امریکا ولسمشر ټرمپ په دې اړه قوي اشاره کړې چې څوک به د هغه وروسته د MAGA غورځنګ مشري په غاړه واخلي، او ټولې نښې نښانې د ولسمشر مرستیال جي ډي وينس ته راجيح دي.
ټرمپ خبریالانو سره په خبرو کې وویل، وینس " په لوی احتمال" هغه کس دی چې دا غورځنګ پرمخ بوځي، او یادونه یې وکړه چې هغه دمخه د ولسمشر مرستیال دی.
په داسې حال کې چې هغه زیاته کړه چې د ځای ناستو په اړه خبرې کول لاهم وختي دي، ټرمپ وویل وینس عالي دنده ترسره کوي او شاید همدا اوس به مخکښ وي.