په وژل شویو کې لږ تر لږه ۱۹ تنه هغه کسان دي چې د ولګې نه د مرګ په حال کې وو او د مرستې د ترلاسه کولو په موخه راټول شوي وو چې د اسرائیلي ځواکونو له خوا د تل ابیب په ملاتړ، د غزې د بشري مرستو د بنسټ په نامه یوه مرکز ته نژدې په ډزو وژل شوي دي.
عیني شاهدانو ویلي چې اسرائیلي چورلکو هم د ویش په نقطه کې پر ملکي وګړو ډزې کړي دي.
انګلستان او څلورو نورو هیوادونو په اسرائیلي چارواکیو بین ګوییر او سموتریچ بندیز ولګو.
د انګلستان حکومت اعلان وکړ چې انګلستان، اسټرالیا، کاناډا، نیوزیلینډ او ناروې د اسرائیلو پر دوو ښي اړخو وزیرانو د فلسطینیانو په وړاندې د تاوتریخوالي د هڅولو له امله بندیزونه لګولي دي.
د اسرائيلو د ماليې وزير بيزليل سموتريش او د ملي امنيت وزير ايتامار بن ګوير د سفري بنديزونو او شتمنيو کنګل کېدو سره مخ دي.
بندیزونه په غزه کې د جګړې پر مهال د دوی د چلند سره تړاو لري.
امریکا او چین د لندن له خبرو وروسته د سوداګرۍ 'چوکاټ' باندې موافقه وکړه.
د امریکا او چین لوړ پوړو چارواکو په لندن کې د دوه ورځنۍ لوړې کچې خبرو اترو وروسته د سوداګرۍ بحثونو ته وده ورکولو لپاره "چوکاټ" باندې موافقه وکړه.
د امریکا د سوداګرۍ وزیر هاوارډ لوټینیک هیله څرګنده کړه چې د ځمکې د نادر منرالونو او مقناطیسونو په اړه شخړې به د تړون د یوې برخې په توګه حل شي.
په هرصورت، چوکاټ لاهم د واشنګټن او بیجینګ د مشرانو تصویب ته اړتیا لري.
د لاس انجلس ښاروال د لاس انجلس ښار په مرکز کې ګرځبندیز اعلان کړ.
د لاس انجلس ښاروال کیرن باس د امریکا د غیرې قانوني مهاجرینو پر وړاندې د مبارزې د پولیسو د چاپو په خلاف د څو ورځو لاریونونو وروسته د ښار په مرکزي سیمه کې ګرځبندیزنافذ اعلان کړ. د ویلو ده چې دا پریکړه په ښار کې ورانکاریو او لوټماریو د زیاتیدو نه وروسته وشوه.
ګرځبندیز د سه شنبې په ماښام ناوخته پیل شو او د چهارشنبه تر سهار پورې به نافذ وي.
دا ګرځبندیز د ښار په مرکز کې د یو میل مربع په اندازه زون پوښي.
د شمالي افریقا د مرستو کاروان غزې ته د رسیدو په خاطر لیبیا ته داخل شو.
د شمالي افریقا د ۱۰۰۰ تنو مدني فعالینو د مرستې کاروان غزې ته د رسیدو په خاطر لیبیا ته رسیدلی، چې موخه یې د اسرائیلو د روانې محاصرې ماتول دي.
دغه کاروان چې ۱۲ بسونه او ۱۰۰ شخصي موټرونه پکې شامل دي، د دوشنبې په ورځ له تونس څخه روان شو.
دا کاروان وروسته د هغه چې اسرائیلو د برتانیا بیرغ لرونکي مرستندویه کښتۍ باندې مداخله وکړه او ۱۲ تنه مدني فعالین يي توقیف کړل د سیمې پر لورې روان شو.