Germaniýaly resmiler anna güni jenaýat eden 81 owgan raýatynyň ýurtlaryna yzyna ugradylandygyny mälim etdi.

Içeri işler ministri Aleksandr Dobrint, deportasiýa edilen adamlaryň jenaýat edendigini we Germaniýada ýaşamak rugsatnamalarynyň ýokdygyny nygtady.

Şäriklik hökümetiniň alyp barýan syýasatlaryna üýtgetme girizilendigini aýdan konserwator syýasatçy, “Jenaýat edenleriň ýurdumyzda ýaşamak hukugy ýok” diýip belledi.

Içeri işler ministrligine görä, Berliniň Talibanyň ýolbaşçylygyndaky wagtlaýyn owgan hökümeti bilen diplomatiýa taýdan gatnaşyk etmeýändigi sebäpli ýurtdan çykarlanlaryň ýurtlaryna dolanmaklarynda Katar uly rol oýnady.

Maý aýynda wezipesine girişen Germaniýanyň konserwatorlaryň ýolbaşçylygyndaky täze şäriklik hökümeti, bikanun göçü azaltmak üçin degişli çäreleriň görülmegini wada beripdi.

Hökümetiň meýilnamasy, esasan deportatsiýa işleriniň depgininiň güýçlendirilmegini we ÝB-ne agza ýurtlaryň içerki serhetlerinde gözegçilik işleriniň geçirilmegini öz içine alýar.