Siriýanyň Suwaýda şäherinde bediun arap taýpa-tireler bilen ýaragly druz toparlarynyň arasynda ýaragly çaknyşyklar dowam edýärkä, içerki howpsuzlyk güýçleri ýurt derejesinde ylalaşygyň düzgünlerini berjaý etmek üçin şäherde we onuň töwereginde ýerleşmäge başlady.

Döwlet habarlar agentligi SANA tarapyndan şenbe güni berlen beýanata görä, howpsuzlyk gulluklary ylalaşygyň düzgünlerini berjaý etmek we ýagdaýy durnuklylaşdyrmak maksady bilen Suwaýda şäherinde we onuň töwereginde ýerleşmäge başlady.

Emma şäheriň käbir zolaklarynda güýçli çaknyşyklaryň dowam edýändigi habar berildi.

Siriýanyň Prezident diwany şenbe güni irden, ýurduň günortasyndaky welaýatda ençeme gün dowam eden durnuksyzlykdan soň giň gerimli we dessine güýje girjek ylalaşyk yglan etdi.

13-nji iýulda Suwaýda şäherinde beduin arap taýpa-tireler bilen druz söweşijileriniň arasynda çaknyşyklar başlapdy.