Resmiler çaknyşyklaryň Hangu sebitiniň Doaba diýilýän ýerinde başdan geçirlendigini habar berdiler. Ýaralananlaryň arasynda Pakistanyň polisiýa gullugynyň ýokary derejeli ýolbaşçylarynyň biri hem bar.
Pakistanyň howpsuzlyk güýçleri ýurduň demirgazyk-günbatarynda geçirlen maksatnamalaýyn operasiýalaryň birinde azyndan 9 başbozary täsirsiz ýagdaýa getirdi. Operasiýa Haýber-Pahtunhwa welaýatynda başladylan giň gerimli howpsuzlyk operasiýalarynyň bir bölegi hökmünde amala aşyryldy.
Welaýat polisiýasyndan berlen beýanata görä, çaknyşyk şenbe güni Hangu sebitiniň Doaba diýilýän ýerinde Polisiýa gullugynyň we howpsuzlyk güýçleriniň bilelikdäki operasiýasynda boldy.
Beýanatda: “Häzirki wagta çenli 9 başbozar öldürildi we sebitdäki operasiýalar dowam edýär” diýildi.
Çaknyşykda aralarynda Hangu etrabynyň Içeri işler müdüri Khalid Khanyň hem bolan 3 howpsuzlyk gullukçysy ýaralandy. Ýaralanan adamlar Kohatdaky hassahana gönükdirildi we saglyk ýagdaýlarynyň kadalydygy mälim edildi.
