Turkiyada bugun «19 - may Ataturkni xotirlash, yoshlar va sport bayrami» nishonlandi. Shu doirada 1919 - yilning 19 - mayi kuni Mustafa Kemal Ataturkning Istanbuldan Samsun shahriga borib, Ozodlik kurashini boshlatishining 106 - yilligi munosabati bilan Turkiyaning to‘rt burchagida turli tadbirlar tashkil etildi.
Bugun ertalab, mamlakat bo‘ylab insonlar buyuk liderga hurmat bajo keltirish uchun yig‘ildilar. Prezident Rejep Tayyip Erdo‘g‘an, bu tarixiy kunda yoshlarni qo‘llab - quvvatlashning ahamiyatini ta’kidladi.
Erdo‘g‘an Turkiyaning yoshlarga ilm - fandan san’atga, sportdan qishloq xo‘jaligiga, diplomatiyadan yadro texnologiyalarigacha bo‘lgan har bir sohada o‘z salohiyatlarini kashf eta olishlari uchun imkon bergani va ular bilan yelkama – yelka yurishni davom etishini ifoda etdi.
Poytaxt Anqarada minglab inson, Mustafa Kemal Ataturkning qabri o‘rin olgan Anitqabrni ziyorat qildi.
Marosim bir daqiqalik sukut saqlash va milliy madhiyaning o‘qilishi bilan boshlandi. Yoshlar va sport vaziri O‘sman Ashkin Bak rahbarligidagi bir hay’at, marosimga, mamlakatning to‘rt burchagidan kelgan yosh vakillar bilan birgalikda ishtirok etdi.
O‘sman Ashkin Bak, Anitqabr maxsus daftarchasiga quyidagi so‘zlarni yozib qoldirdi:
«106 - yil oldin Samsunda siz yoqqan Istiqlol mash’alasi bugun bu zaminda birlik, tinchlik va umid bo‘lib yashab kelmoqda».
Mamlakat kelajagini shakllantirish
Ataturk 1919 - yilning 16 - mayi kuni Bandirma kemasi orqali Istanbuldan yo‘lga chiqdi. Roppa – rosa 3 kun o‘tib, 19 - may kuni Samsundagi Dil (Reji) dokiga yetib bordi. Bu sana, Turk Ozodlik kurushining boshlanishi sifatida qabul qilinadi.
O‘sha davrda Istanbul ishg‘ol va bosim ostida ekan O‘smonli hukumati uni O‘smonli armiyasi tekshiruvchisi sifatida tayin qilgandi.
Ammo Ataturk rasmiy vazifasiga bog‘lanib qolish o‘rniga chet el bosqinini to‘xtatish va Anado‘lu kelajagini qayta shakllantirish uchun milliy harakat boshlatdi.
Bu harakat, oxir - oqibat 1923 - yili Turkiya Respublikasining tashkil topishi bilan natijalangan 4 yillik urushga olib keldi.
Ataturk 1938 – yili, «19 - may Yoshlar va sport bayrami» deb e’lon qildi va bu orqali yoshlarning mamlakat kelajagini shakllantirishdagi rolining ahamiyatini ta’kidladi.
Bugun, mamlakatning to‘rt burchagida uyushtirilgan yoki tashkil etilgan marosimlar xuddi shu ahamiyatni aks ettirmoqda.
Samsun shahrida Turkiyaning «TCG Anadolu» harbiy kemasi mamlakatning har bir viloyatdan kelgan 81 nafar yosh vakil bilan harbiy maktab o‘quvchilarini o‘z ichiga olib, ramziy ravishda asl sayohatni qayta jonlantirdi.
Bandirma kemasi muzeyi, asl kemaning nusxasi va Ataturkning quruqlikka chiqqan vaqtni ko‘rsatuvchi 08:00 da to‘xtab qolgan soatni namoyish etib, ko‘pchilik e’tiborini jalb etdilar.
Kapadokiyada esa Turk bayroqlari va Ataturk rasmlari bilan bezalgan issiq sharlar havoga ko‘tarildi.
Tekirdag‘da esa, motosiklchilar xotira safarida ishtirok etdilar. O‘rdu va Antaliya kabi qirg‘oq shaharlarda g‘avvoslar, bu maxsus kunni nishonlash uchun suv ostida bayroqlar bilan suzdilar.
Prezident Erdo‘g‘an: «Yoshlarimizga tinch va xotirjamlikka to‘la, yuqori texnologiyalar bilan jihozlangan farovon yurt qoldirish haqida bergan va’damizni bajarish uchun bor kuchimiz bilan ishlayapmiz». – dedi va maqsadiga erishishga harakat qilayotgan va Turkiyaning madaniy merosini yuksaklarga ko‘tarayotgan yoshlarni qo‘llab - quvvatlashni davom ettirishlarini o‘z so‘ziga ilova etdi.
