Әзербайжан мен Ресей арасында дипломатиялық шиеленіс
Баку екі Әзербайжан азаматының қамауда қайтыс болуына байланысты Ресей полициясын айыптаса, ал Мәскеу «Sputnik» қызметкерлерін босатуды талап етуде.
Әзербайжан мен Ресей арасында дипломатиялық шиеленіс
/ Reuters
2 Шілде 2025

Екатеринбург қаласында қамауда отырған екі Әзербайжан азаматының өліміне себеп болған полиция рейдінен кейін Әзербайжан мен Ресей арасында дипломатиялық шиеленіс туындады.  

Ресей Сыртқы істер министрлігі Бакудің «достыққа жат әрекеттері» мен екіжақты қарым-қатынастарды әлсіретуге бағытталған «қасақана қадамдары» үшін Әзербайжанның Ресейдегі елшісі Рахман Мустафаевты шақырып, қатаң наразылық  білдіргенін хабарлады.

Кездесу барысында Мустафаевқа бір күн бұрын Бакуде тұтқындалған Ресейдің ақпарат агенттігі «Sputnik»-тің екі қызметкерін босатуды талап ететін нота табысталды.

Әзербайжан Ішкі істер министрлігі дүйсенбі күні Бакудегі «Sputnik» агенттігінің Әзербайжан кеңсесінде арнайы операция жүргізілгенін растады. Қамауға алынғандар арасында агенттік басшысы Игорь Картавых пен бас редактор Евгений Белоусов бар.

Бұл шара жұма күні Екатеринбургте екі Әзербайжан азаматының қамауда қайтыс болуына себеп болған полиция операциясынан кейін жасалды.
Баку бұл оқиғаға толық тергеу жүргізуді және кінәлілердің жауапқа тартылуын талап етті.

Оған жауап ретінде Әзербайжан Сыртқы істер министрлігі Ресейдің уақытша сенімді өкілін шақырып, ресейлік құқық қорғау органдарының Әзербайжан азаматтарын азаптап қорлағанына байланысты дипломатиялық нота ұсынды.

Сыртқы істер министрлігінің өкілі Айхан Хаджызаде: «Бұл нотада Ресей полициясының әрекеттері заң нормаларына және халықаралық деңгейде мойындалған адам құқықтарына қайшы келеді деп бағаланды. Нотада бұл әрекеттердің Әзербайжанда наразылық туғызғаны атап өтілді»,- деді.

Ол сондай-ақ жедел әрі ашық тергеу жүргізіліп, жауаптылардың сот алдында жауап беруі тиіс екенін айтты.

Сонымен қатар Әзербайжан елшісі «Sputnik»-тің Әзербайжандағы кеңсесіне жүргізілген құқық қорғау органдарының операциясы ішкі заңнамаға және халықаралық міндеттемелерге толық сәйкес жүзеге асқанын атап өтті.

Әзербайжан Бас прокуратурасы бұл оқиға бойынша іс қозғалғанын хабарлады.

Хаджызаде нотада Әзербайжанның ішкі істеріне араласуға жол берілмейтіні туралы ескерту жасалғанын және Ресей билігі екіжақты қарым-қатынастарға зиян келтіретін заңсыз әрекеттерге барғаны үшін айыпталғанын мәлімдеді.

Іздеу
Трамп АҚШ Орталық банк төрағасының дереу отставкаға кетуін талап етті
Сауд Арабиясы мен Индонезия энергетика және өнеркәсіп келісіміне қол қойды
Илон Масктың «Starlink» компаниясы Шри-Ланкада интернет қызметін іске қосты
Түркия экспортта тағы бір табысқа жетті
Түркияның әуе компаниясы Стамбул – Дамаск бағытындағы алғашқы рейсін игерді
АҚШ Қытайдың екі азаматын тыңшылық жасады деп айыптады
Трамптың 9 шілдедегі тарифтері күшіне енбей тұрып, елдер сауда келісімдерін жасауға тырысып жатыр
Пәкістан мен Үндістанда муссон жаңбырлары мен кенеттен болған сел салдарынан 73 адам қаза тапты
Венесуэла заң шығарушылары БҰҰ жоғары комиссарын "персона нон грата" деп жариялады
Әзербайжан мен Ресей арасында дипломатиялық шиеленіс
Трамп Израильдің Газада 60 күндік атысты тоқтату шарттарына келісетінін айтты
АҚШ Сириядағы "Хайят Тахрир аш-Шам" тобын террорлық ұйымдар тізімінен шығаруды қарастыруда
Қытай Коммунистік партиясының мүшелер саны 100 миллионнан асты
Үндістанда өрттен қаза тапқандар саны 36-ға жетті
Түркия орман өртімен күресуде
TRT Global-ға шолу. Пікіріңіз біз үшін маңыз.
Contact us