Сирияның жаңа үкіметін жариялау рәсімі Президент Ахмад Әл-Шара үкіметтің есептілік пен ашықтық негізінде мемлекеттік мекемелерді қайта құруға ұмтылатынын мәлімдеуімен басталды.

Әл-Шара сенбі күні Дамаск қаласындағы Президент сарайында өткен рәсімде «Біз ұлттық сапарымыздың жаңа кезеңінің тууына куә болып отырмыз, ал бүгінгі жаңа үкіметтің құрылуы – жаңа мемлекет құруға деген ортақ еркіміздің жариялануы», – деді.

«Бұл үкімет білім беру мен денсаулық сақтау саласында жаңа көкжиектер ашуға ұмтылады және біз мекемелерімізге сыбайлас жемқорлықтың енуіне жол бермейміз» деді ол.

Әл-Шара  сөзін жалғастырып, «Үкімет есептілік пен ашықтық негізінде мемлекеттік мекемелерді қайта құрады», – деп атап өтті.

Жаңа үкімет құрамында 22 министр бар, олардың ішінде бір әйел министр де бар.

Министрлер мен олардың рөлдері

Қорғаныс министрі – Мурхаф Әбу Қасра; Ішкі істер министрі – Анас Хаттаб; Сыртқы істер министрі – Асад әл-Шайбани; Әділет министрі – Мазхар Әл-Уайс; Жоғары білім министрі – Маруан әл-Халаби; Әлеуметтік істер және еңбек министрі – Хинд Кабават; Діни істер министрі – Мұхаммед Әбу әл-Хайр Шукри.

Ақпарат министрі – Хамза Мұстафа; Көлік министрі – Яроб Бадр; Әкімшілік даму министрі – Мұхаммед Эскаф. Туризм министрі болып Мазен әл-Салхани тағайындалды, ал Жастар және спорт министрі – Мұхаммед Самех Хамад.

Мәдениет министрі – Мұхаммед Салех; Қоғамдық жұмыстар және тұрғын үй министрі – Мұстафа Абдул Раззақ. Білім министрі – Мұхаммед Абдул Рахман Турко, ал Ауыл шаруашылығы министрі – Амжад Бадр.

Байланыс және ақпараттық технологиялар министрі – Абдул Салам Хайкал; Төтенше жағдайлар және апаттарды басқару министрі – Раед әл-Салех.

Сондай-ақ жергілікті басқару министрі – Мұхаммед Анжаррани; Денсаулық сақтау министрі – Мусаб Наззал әл-Али; Экономика министрі – Нидал Әл-Шаар. Қаржы министрі – Мұхаммед Юср Барние, ал Энергетика министрі – Мұхаммед әл-Башир.

Рәсімде министрлер өз сөздерін айтып, содан кейін Әл-Шараның алдында ант берді.

Бұрынғы Башар Асад режимі желтоқсан айында оппозициялық күштердің басшылығымен Әл-Шара жетекшілігімен құлатылғаннан кейін, үш айлық мерзімге уақытша үкімет құрылды. Қаңтардың соңында Әл-Шара өтпелі кезеңнің президенті болып жарияланған еді.