8 қабатты музейге Қазақстанның сан алуан тарихи кезеңдері, осы жерлерді мекендеген көне өркениеттер дамытқан мәдени байлық және тамыры ортақ түрік тарихынан сыр шертетін 220 мыңнан астам туынды қойылған. Мұражай шетелдік туристер, әсіресе елордаға келетін туристер ең көп келетін мекенжайлардың бірі ретінде ерекшеленеді.

Шамамен 2500 жыл бұрын саф алтыннан жасалған мыңдаған жәдігер орналасқан «Алтын» зал келушілерді өзінің тамашалығымен таң қалдырады. Қазақстанның тұңғыш «Алтын адамы» да осы залда орналасқан.

Мұражай экскурсоводтарының бірі Айдана Серік елдің оңтүстігіндегі Есік Қорғанынан табылған «Алтын адамның» шын мәнінде 17-18 жас аралығындағы сақ ханзадасы (сарбаз) екенін және оның қабірде бастан аяқ алтын тастармен бірге көмілген күйде табылғанын айтты.

Серік «Мұражайымыздың сүйікті туындысы «Алтын адамды» көру үшін күн сайын көптеген келуші қабылдаймыз. Оның шамамен 2500 жыл бұрын өмір сүрген сақ ханзадасы болғаны дәлелденді. Оның үстінен және бейітінен 4000-ға жуық алтын бұйым табылды. Бұларды осы залдан көруге болады», - деді.

Серік сонымен қатар Батыс Қазақстандағы, негізінен сарматтар дәуіріне жататын бейіттерден табылған алтын бұйымдардың да көрмеге қойылғанын айтты.

Қазақстан Ұлттық музейінде түріктердің ортақ тарихына қатысты «Ежелгі түрік өркениеті» залы бар екенін баяндаған Серік мұнда көне түрік мемлекеттерінің рухани және мәдени өмірін көрсететін құнды туындылардың қойылғанын атап көрсетті.

Серік Алтай тауының көне түркілер тарихындағы орнына назар аударып, «Мұражайымыздың бұл залында түрік өркениетінің алтын бесігі Алтай тауының етегінде жүргізілген археологиялық қазба жұмыстары нәтижесінде табылған көптеген жәдігер бар» деді.

Серік сонымен қатар «Мұражайымызда біздің заманымызға дейінгі 4-3 ғасырларда саха жауынгерлері мінген жылқылардың сүйектері мен қазақ археологы Зейнолла Самашев Алтай тауының баурайындағы Берел қорғанынан табпқан жылқы ері қойылған. Бұл жылқы сүйектері мен ер-тұрмандары бүгінгі күнге дейін сақталған. Бұл жерлерде ат мәдениеті дамыды» деді.

Сәулет өнері жағынан құсқа ұқсайтын мұражай Қазақстанның елордасы Астананың символикалық құрылымдары қатарына жататын Бейбітшілік және келісім сарайы, «Қазақ елі» алаңы, Тәуелсіздік сарайы, «Әзірет Сұлтан» мешіті және Ұлттық бейнелеу өнері университетімен бір аумақта орналасқан.

Ұлттық музей өткен жылы өзінің 10 жылдығын атап өтті және осы уақыт ішінде 7 миллионнан астам келушіні қабылдады.