Мемлекеттік ақпарат құралдарының хабарлауынша, Иран өткен айда Израильмен қақтығыстарға байланысты толығымен жабылған әуе кеңістігі мен бірнеше әуежайын қайта ашты.

Бейсенбі күні Иранның ресми ақпарат агенттігі «IRNA» «Тегеранның Мехрабад және Имам Хомейни халықаралық әуежайлары, сондай-ақ солтүстік, шығыс, батыс пен оңтүстіктегі басқа да әуежайлар қайта ашылды және рейске дайын»,- деп хабарлады.

Билік өкілдері инфрақұрылымы жаңартылып жатқан Исфахан мен Тебриз рейстерінен тыс барлық рейстер жергілікті уақыт бойынша таңғы 5-тен 18.00-ге дейін орындалатынын айтты.

Иранның «Tasnim» ақпарат агенттігі қазір елдің әуе кеңістігі күндізгі уақыттағы халықаралық транзиттік рейстерге ашық екенін атап өтті.   

Иран 13 маусым күні Израильге қарымта шабуыл жасағаннан кейін, өз әуе кеңістігін толығымен жапқан болатын.

Екі ел арасындағы атысты тоқтату келісімі 24 маусымда күшіне енді. Атысты тоқтату келісімінен кейін Иран шығыс аймақтардағы әуе кеңістігін қайта ашып, халықаралық рейстерге қолжетімділікті кеңейтті.

Рейстердегі ақаулар және шығындардың артуы

Жаһандық авиация алғаш рет аяқасты қымбатшылыққа тап болды. Әуе компаниялары ұшу бағыттарын өзгертуге мәжбүр болды. Бұл ұшу уақытының ұзаруына және операциялық шығындардың артуына әкелді. Өзгерістер тасымалдаушыларға да, жолаушыларға да қиындық тудырды.

Ірі халықаралық әуе компаниялары әскери шиеленістің күшеюіне байланысты өз бағыттарын басқа жаққа ауыстырды.