САЯСАТ
2 минут оқу
Израильдің Газаға жасаған жаңа шабуылдарында ондаған палестиналық қаза тапты
Палестина мәліметтеріне сәйкес Израиль армиясы 2023 жылдың қазан айынан бері Газа секторы бойынша 234 баспанаға соққы берді.
Израильдің Газаға жасаған жаңа шабуылдарында ондаған палестиналық қаза тапты
/ AA
8 Мамыр 2025

«Соғыс жүріп жатқан Газа секторында Израильдің жаңа шабуылдарынан кемінде 54 палестиналық қаза тауып, ондаған адам жараланды», - деп хабарлады дәрігерлер.

«Сәрсенбі күні Израильдің Газа қаласының Туффа ауданындағы баспанаға айналған мектепті бомбалауынан 16 адам қаза тапты»,- деп хабарлады денсаулық сақтау дереккөзі. Дереккөздің хабарлауынша үйінді астында әлі де бірнеше адам қалған.

Сәрсенбі күнгі Израильдің Газаның орталығындағы Бурейж босқындар лагеріндегі мектепке жасаған шабуылынан кемінде 33 адам қаза тауып, 73 адам жараланған соң бір күн өткеннен кейін болды.

Газа үкіметінің БАҚ кеңсесі жариялаған мәліметтерге қарағанда 2023 жылдың қазан айында қырғын соғыс басталғаннан бері Израиль армиясы кем дегенде 234 баспана мен қоныс аудару орталығын нысанаға алған.

Тағы бір денсаулық сақтау дереккөзінің хабарлауынша Газадағы Вахда көшесінде адам көп жиналған базарға жасалған тағы бір шабуылда кемінде 22 адам қаза тапқан. Дереккөз құрбандар арасында бірнеше бала мен журналист бар екенін мәлімдеді.

Анадолы агенттігі тілшісінің хабарлауынша шабуыл базар халық лық толы кезде жасалған. Нысанаға алынған аймақта көптеген дүкен мен дүңгіршек болатын.

Анадолы агенттігіне денсаулық сақтау дереккөзінің хабарлауынша Хан Юнис қаласындағы үйді нысанаға алған тағы бір шабуылда 8 адам, оның ішінде бір бала қаза тапты.

Дәл осы дереккөз сол қаланың шығыс бөлігінде Израиль күштерінің Бани Сухайла қаласындағы бір үйге жасалған шабуылда бір палестиналық пен әйелінің қаза тапқанын айтты.

Дәрігерлердің айтуынша Израиль армиясы Газаның орталығындағы Дейр әл-Балахтағы Мунасира босқындар лагерінде тағы үш палестиналықты, оның ішінде бір баланы өлтірген.

Израиль әуе күштерінің Газа секторының солтүстігіндегі Джабалия босқындар лагерінің Тель әл-Заатар ауданындағы бір үйге жасаған шабуылында тағы үш адам қаза тауып, бірнеше адам жараланды.

Куәгерлердің айтуынша Израиль әскері орталық елді мекендегі Нусайрат босқындар лагерінде үйлерді бұзу жұмыстарын жүргізген.

Израиль армиясы 2023 жылдың 7 қазанынан бері Газаға қатыгез әскери шабуыл жасап, 52 600-ден астам адамды өлтірді. Олардың көпшілігі әйелдер мен балалар.

Өткен қарашада Халықаралық қылмыстық сот Израиль премьер-министрі Беньямин Нетаньяху мен бұрынғы қорғаныс министрі Йоав Галлантты Газадағы соғыс қылмыстары мен адамзатқа қарсы қылмыстары үшін қамауға алуға ордер шығарған болатын. Израиль анклавтағы соғысқа байланысты Халықаралық сотта геноцид ісімен бетпе-бет келіп отыр.

Іздеу
Австралияның оңтүстік-шығысында орман өрттері күшейіп, кең аумақтар жанып жатыр
Израильде әлеуметтік тұрғыда оқшауланған еврейлерді Иран қалай тыңшы ретінде тартты?
Қытайдың Африкадағы ықпалын бұзу күресінде Вашингтон қалай жеңілді?
2024: Газа, Украина және басқа аймақтардағы қақтығыстар жылы
Менің досым Айшенұр әділет пен Палестина бостандығы үшін батыл қорғаушы болды
Израильдің негізін қалаған сионистік лаңкестікке көзқарас
Корея соғысының 70 жылдығы: Оңтүстік Корея халқы әлі де құрметпен еске алатын түрік сарбаздары
Газада бітім: Әлсіз үміт
Израильдің геноцидтік соғысы мұсылмандардан кейін христиандарды да жалмауда
Голан жоталарының маңыздылығы және Израильдің бақылауға алу әрекеттері
Путин: «Егер Украина батыстан ядролық қару алса, Ресей қарудың барлық түрін пайдаланады»
Германия экономикасы неліктен құлдырауда?
Трамп-Нетаньяху қарым-қатынасында жаңа дәуір: адалдық пен шиеленіс
«Өлгім келді»: Асад түрмелерінен аман қалған тұтқын түрмедегі азаптауларды баяндады
Стармер Блэр дәуіріндегі саясатты жаңғыртып, Палестина тақырыбында британдықтардға опасыздық жасауда
TRT Global-ға шолу. Пікіріңіз біз үшін маңыз.
Contact us