АҚШ президенті Дональд Трамптың мақсаты – Түркия мен АҚШ арасындағы одақтастықты «лайықты деңгейге» көтеру екенін АҚШ-тың Түркияға жаңадан тағайындалған елшісі мәлімдеді.

«Мен президент Трамптан өте қарапайым хабармен келдім... ол Түркия мен АҚШ арасындағы одақтастықты лайықты деңгейге көтеруді қалайды», – деді Томас Баррак дүйсенбі күні Анкарадағы Эсенбога әуежайында журналистерге.

«Президенттің мақсаты – екі ұлы халықтың көшбасшылары арқылы бейбітшілік пен өркендеуді жеделдету, бұл Түркия мен АҚШ-ты ұлырақ, ал әлемді жақсырақ етеді», – деді ол.

Өткен аптада АҚШ Сенаты Барракты Түркиядағы елші ретінде 60-қа 36 дауыс нәтижесімен бекіткен болатын.

Түркияның стратегиялық маңызы

Трамптың ұзақ жылдар бойғы досы және белгілі кәсіпкер Баррак екі ел арасындағы қарым-қатынастар өзгеріп жатқан кезеңде Анкарадағы қызметіне кіріседі.

Өткен айда Сенаттың Сыртқы қатынастар комитетінде өткен бекіту тыңдауында Баррак Түркияның АҚШ-тың одақтасы ретіндегі стратегиялық маңыздылығын атап өткен болатын.

78 жастағы Баррак Оңтүстік Калифорнияда туып-өскен. Ол Оңтүстік Калифорния университеті мен Сан-Диего университетінің құқық факультетін бітірген.

Трамппен тығыз байланыстары арқылы танымал Баррак 2017 жылы президенттің инаугурациялық комитетін басқарған және 2016 жылғы сайлау науқанының негізгі кеңесшісі болған.

Баррак 2022 жылдың қаңтарынан 2024 жылдың қыркүйегіне дейін қызмет еткен елші Джефф Флейктің орнына келді. Флейк кетукеннен кейін бұл орын бос қалған болатын.

Ердоған мен Трамптың «өте нәтижелі» келіссөздері

Дүйсенбі күні Түркия президенті Режеп Тайып Ердоған Трамппен телефон әңгімесін «өте нәтижелі, жан-жақты және шынайы» деп бағалады.

«Бүгін менің АҚШ президенті, құрметті досым Дональд Трамппен телефон дағы әңгімем өте нәтижелі, жан-жақты және шынайы болды», – деп жазды Ердоған “X” желісіндегі парақшасында.

«Жақын арада досым Трамппен кездесемін деп үміттенемін», – деді Ердоған. Ол кездесудің «елдер үшін жақсы нәтижелер әкеледі» деп сенетінін білдірді.

Ердоған екі ел арасындағы байланыстарды, әсіресе қорғаныс өнеркәсібі мен сауда саласында нығайтуға өзара ниеттерін растағандарын айтты.

Екі көшбасшы Түркия-АҚШ екіжақты қатынастары, Газа соғысы, аймақтық және жаһандық оқиғалар туралы бірқатар тақырыптарды талқылады.