Президент Режеп Тайып Ердоған Түрік Қызыл Жарты Ай ұйымы 2023 жылдың 7 қазанында Израиль шабуылдары басталғаннан бері Газадағы палестиналықтармен бірге екенін айтты.

Дүйсенбі күні Анкарада өткен Түрік Қызыл Жарты Ай Бас Ассамблеясында сөйлеген сөзінде Ердоған ұйымның осы қиын кезеңде Газа халқын ешқашан жалғыз қалдырмағанына тоқталды.

«Түрік Қызыл Жарты ай ұйымын тек елімізде ғана емес, дағдарыс аймақтарында да алдыңғы шепте көрдік. Ұйым Палестина, Сирия, Сомали, Ауғанстан, Босния, Ирак және басқа да көптеген елде соғыстан зардап шеккендерге Түркияның көмегін жеткізді.

Ұйым індет, табиғи апат және Түркияның қолдауы қажет болған барлық жерге көмекке келді. Босқындардың, кедейлердің және құрбандарға көмек қолын созды. Түрік Қызыл Жарты Ай барлық ресурстарымен сонда болды», - деді ол.

Израильдің 2023 жылдың қазан айынан бері Газаға жасаған шабуылдарынан 52 500-ден астам палестиналық қаза тапты. Олардың көпшілігі әйелдер мен балалар.

Халықаралық қылмыстық сот қараша айында Нетаньяху мен бұрынғы қорғаныс министрі Йоав Галлантты Газадағы соғыс қылмыстары мен адамзатқа қарсы қылмыстары үшін қамауға алуға ордер шығарды.

Израиль де аймақтағы соғысы үшін Халықаралық сотта геноцид ісімен бетпе-бет келіп отыр.

2025 Құрбан айт науқаны аясында Түрік Қызыл жарты ай ұйымы Түркия, Газа, Палестина және 22 елде 4 миллионнан астам мұқтаж жандарға құрбан етін жеткізуді мақсат етіп отыр.