Суданның соғыс жағдайындағы астанасы Порт-Суданда жарылыс дауыстары естілді. Бұл парамилитарлық күштердің армиямен байланысы бар үкіметтің билік ордасына шабуыл жасаған үшінші күні болды.

AFP тілшісінің мәліметінше, сейсенбі күні таң ата қатты жарылыс дауыстары естіліп, порт жақтан түтін көтерілген. Куәгерлер қоймада жарылыс болғанын хабарлады. Қаланың солтүстігіндегі куәгерлер әскери базадан зениттік зымырандардың атылғанын айтты.

Бұған дейін “Порт- Судан әуежайына жасалған дрон шабуылы барлық рейстерді тоқтатты”, деп хабарлады әуежай қызметкері. "Дрон әуежайдың азаматтық бөлігін нысанаға алды," - деді ол аты-жөнін атамауды сұрап.

Бұл шабуыл әуежайдың әскери базасына дрондармен жасалған алғашқы шабуылдан екі күн өткен соң болды. Әскерилер бұл шабуылдарды парамилитарлық Жедел Қолдау Күштері (RSF) жасап отыр деп мәлімдеді.

Бұл шабуылдар соғыстың күрт ушыққанын білдіреді, өйткені Қызыл теңіз жағалауындағы бұл қала гуманитарлық, транзиттік және дипломатиялық орталық ретінде, сондай-ақ армиямен байланысы бар үкіметтің ордасы ретінде танылған еді және осы аптаға дейін ешбір шабуылға ұшырамаған болатын.

Жексенбі күні әуежай маңындағы әскери базаға дрондар шабуыл жасап, дүйсенбі күні қаланың жанармай қоймалары нысанаға алынды. Екі жағдайда да әскери дереккөздер бұл шабуылдарды Жедел Қолдау Күштеріне жүктеді.