سیاست
3 دقیقې خواندن
ټرمپ وایي که د جون تر ۱۹مې نېټې پورې هېڅ هوکړه ونشي، نو د ټيک‌ټاک ضرب‌الاجل به تمدید کړي
د امریکا ولسمشر دې اپ ته دوه ځله د کانګرس له‌خوا لګول شوې بندیز څخه د معافیت مهلت ورکړی دی.
ټرمپ وایي که د جون تر ۱۹مې نېټې پورې هېڅ هوکړه ونشي، نو د ټيک‌ټاک ضرب‌الاجل به تمدید کړي
/ Reuters
5 می 2025

د امریکا ولسمشر ډونالډ ټرمپ ویلي چې که د جون ۱۹مې نېټې پورې د چین پر بنسټ جوړ شوي شرکت بایټ ډانس لخوا د ټیک ټاک د امریکایي شتمنیو پلورلو په اړه کومه موافقه ونه شي، نو هغه به دغه نېټه وغځوي. ټیک ټاک هغه لنډ ویډیويي اپلیکیشن دی چې ۱۷۰ میلیونه امریکایان یې کاروي.  

ټرمپ د جمعې په ورځ د فلوریډا په پام بیچ کې د خپل مار-ا-لاګو استوګنځي کې د NBC نیوز پروګرام "میټ دی پریس ویت کریسټن ویلکر" سره په یوه مرکه کې وویل: "زه غواړم چې دا کار ترسره شي." دغه مرکه د یکشنبې په ورځ په ټوله امریکا کې خپرېده.

ټرمپ وویل چې هغه د ټیک ټاک لپاره یو ځانګړی ځای لري ځکه چې دې اپلیکیشن د ۲۰۲۴ کال ولسمشریزو ټاکنو کې د ځوانو رایه ورکوونکو د ملاتړ په ترلاسه کولو کې مرسته وکړه. هغه زیاته کړه: "ټیک ټاک – دا ډېر په زړه پورې دی، او دا به خوندي وي."

ټرمپ مخکې له دې هم دوه ځله د کانګرس لخوا د ټیک ټاک د بندیز د پلي کولو نېټه غځولې وه، چې په اصل کې د جنورۍ په میاشت کې نافذ کېدونکې وه.

یو تړون په کار و چې د ټیک ټاک امریکایي عملیات به په یوه نوي شرکت کې چې په امریکا کې به میشت وي او د امریکایي پانګه والو لخوا به اکثریت کنټرول او اداره کېږي، جلا کړي. خو دا تړون وروسته له هغه وځنډېد چې چین څرګنده کړه چې دوی به دا ونه مني، په ځانګړي ډول د ټرمپ لخوا د چینایي توکو پر وړاندې د لوړو تعرفو د اعلانونو وروسته.

ډیموکرات سناتوران استدلال کوي چې ټرمپ قانوني واک نه لري چې دغه نېټه وغځوي، او وایي چې هغه تړون چې تر غور لاندې و، د قانوني اړتیاوو سره سمون نه خوري. د بایټ ډانس د امریکایي پانګه والو یوې نږدې سرچینې تېره میاشت وویل چې د تړون پر کار لا هم د جون ۱۹مې نېټې مخکې کار روان دی، خو سپینه ماڼۍ او بیجینګ باید لومړی د تعرفو پر شخړه هوکړې ته ورسېږي.

ټرمپ NBC نیوز ته وویل چې چین غواړي یوې موافقې ته ورسېږي، ځکه چې د چینایي توکو پر وړاندې ۱۴۵ سلنه تعرفې د هغوی پر اقتصاد اغېز کړی ده. هغه زیاته کړه چې دی به تعرفې د خبرو اترو لپاره کمې نه کړي، خو کېدای شي په یوه پراخ تړون کې یې وروسته راټیټې کړي.

هغه وویل: "په یوه وخت کې، زه به تعرفې راکمې کړم، ځکه که داسې ونه شي، نو تاسو هېڅکله ورسره سوداګري نه شئ کولی. او هغوی ډېر غواړي چې سوداګري وکړي."

قانون غوښتنه کړې وه چې ټیک ټاک باید د جنورۍ تر ۱۹مې نېټې پورې خپل فعالیت ودروي، پرته لدې چې بایټ ډانس د اپلیکیشن د متحده ایالاتو شتمنیو ویش بشپړ کړي. ټرمپ د جنورۍ په ۲۰ نېټه د خپلې دویمې دورې د ولسمشرۍ د پیل سره پرېکړه وکړه چې دا قانون پلي نه کړي. هغه لومړی دغه نېټه د اپرېل لومړیو ته وغځوله، او بیا تېره میاشت یې د جون ۱۹مې پورې وغځوله.  

وپلټۍ
سوډان د تورکیې سوله‌ایز منځګړیتوب وړاندیز ته هرکلی وايي — د سوډان د بهرنیو چارو وزیر.
د لوور په موزیم کې تاریخي بدلون: "موناليزا" لپاره ځانګړې خونه.
د تورکي سریالونه په نړۍ کې د تورکي انځور ته بدلون ورکوي.
دمصر په حتشپسوت معبد کې نوي اثار کشف شول.
د جګړې د جرمونو محکمه په خطر کې ده: دجرمونو نړیوالې محکمې مشر.
'زما یوازینۍ غوښتنه مرګ وو': ژغورل شوي بندي د اسد په زندانونو کې شکنجه افشا کړه.
په نړۍ کې له ۱۰۰۰ څخه زیات ساینس پوهان د غزې د اوربند لپاره لیک لاسلیک کړ.
لبنان د سوریې د اغیزو لاندې نه  د ژغورنې په خاطر په مخ کې ډیره اوږده لار لري.
ایران په اسرائیل کې د ټولنیز پلوه منزوي شوي ځینې یهودان څه ډول د جاسوسانو په توګه جذب کړل؟
د ګولان د لوړو اهمیت او سرائیلو لخوا ددې سیمې د کنټرولو د هلو ځلو لامل په ډاګه شو
اروپایي اتحادیه که روسیه؟ په رومانیا کې دیموکراسي په ریښتیا څوک کمزورې کوي؟
یو فلسطیني ډاکټر چې د غزې نه د وتو څخه انکار کړی وو د اسرائیلو په زندان کې ژوند د لاسه ورکړ.
د اکتوبر په اومه د اسرائیلو او فلسطین د نښتې تاریخي اهمیت
ولې ۲۰۲۴ د بریکس د پرمختګ لپاره یو مهم کال و؟
د شولز تر سقوط وروسته، جرمني خپل ځان د پولې په سر مومي.
ټي آر ټي ګلوبل ته یوه کتنه وکړئ. خپل نظرونه زمونږ سره شریک کړئ!
Contact us