د نړۍوالو رده بندیو له مخې د تورکیې ۲۶ پوهنتونونو د نړۍ تر ټولو د غوره ۵۰۰ پوهنتونونو په کتار کې ځای نیولی دی.
د تورکیې د لوړو زده کړو شورا اعلان وکړ چې د QS ۲۰۲۶ نړیوال پوهنتونونو په درجه بندۍ کې ۲۶ تورکی پوهنتونونه شامل دي، چې په دې درجه بندۍ کې د نړۍ له ۱۰۶ هېوادونو او سیمو څخه ۱۵۰۰ پوهنتونونه شامل دي.
تورکیه په هغو هېوادونو کې چې له ۲۰ څخه زیات پوهنتونونه یې په دې درجه بندۍ کې شامل دي، څلورم هېواد دی چې تر ټولو زیات پرمختګ یې کړی دی.
راپور ښيي چې ۱۱ تورکی پوهنتونونه د نړۍ په ۱۰۰۰ غوره پوهنتونونو کې شامل دي، چې له دې ډلې څخه ۹ پوهنتونونو خپلې درجې د تېر کال په پرتله ښه کړي، ۲ پوهنتونونو خپل ځای ساتلی، او هېڅ پوهنتون په درجه بندۍ کې ښکته شوی نه دی.
په بیان کې ویل شوي چې ۲ تورکی پوهنتونونه د نړۍ په ۳۰۰ غوره پوهنتونونو کې شامل شوي، ۴ پوهنتونونه د ۴۰۰ غوره پوهنتونونو په ډله کې دي، او ۶ پوهنتونونه د ۵۰۰ غوره پوهنتونونو په ډله کې ځای لري.
د منځني ختیځ تخنیکي پوهنتون په ۲۶۹ ځای کې، د استانبول تخنیکي پوهنتون په ۲۹۸ ځای کې راغلي او د نړۍ د ۳۰۰ غوره پوهنتونونو په ډله کې شامل شوي دي. د کوچ پوهنتون په ۳۲۳ ځای کې، د بوغازایچي پوهنتون په ۳۷۱ ځای کې راغلي او د نړۍ د ۴۰۰ غوره پوهنتونونو په ډله کې ځای لري. د سبانجي پوهنتون په ۴۰۴ ځای کې، او د بیلکنت پوهنتون په ۴۱۵ ځای کې راغلي او د نړۍ د ۵۰۰ غوره پوهنتونونو په ډله کې شامل شوي دي. په دې توګه، ۶ تورکی پوهنتونونه د نړۍ د ۵۰۰ غوره پوهنتونونو په ډله کې ځای لري.
د حاجت تپې پوهنتون په ۵۷۱ ځای کې، د استانبول پوهنتون په ۶۲۸ ځای کې، د انقرې پوهنتون په ۶۹۷ ځای کې، د یلدز تخنیکي پوهنتون په ۷۳۶ ځای کې، او د غازي پوهنتون په ۹۱۵ ځای کې د نړۍ د ۱۰۰۰ غوره پوهنتونونو په ډله کې راغلي دي.
د QS تورکیې راپور له مخې، د منځني ختیځ تخنیکي پوهنتون ، بوغازایچي پوهنتون، او د استانبول تخنیکي پوهنتون د "کار ګمارونکي شهرت" په شاخص کې د نړۍ د ۱۰۰ غوره پوهنتونونو په ډله کې راغلي دي، او د تورکیې د لوړو زده کړو، پوهنتونونو او د تورکیې نړیوال علمي شهرت په چټکۍ سره په زیاتېدو دی.
د لوړو زده کړو د شورا رئیس پروفیسور ډاکټر ایرول اوزوار وویل: "دا بریالیتوب تصادفي نه دی. موږ ټول په ګډه سخت کار وکړ. موږ به لا نور ښه لاسته راوړنې وکړو. زه ټولو هغو پوهنتونونو ته مبارکي وایم چې په دې درجه بندۍ کې شامل شوي او هڅې یې کړې دي."
