سپورت
2 دقیقې خواندن
د هند او پاکستان ترمنځه د شخړې له امله د کرکټ لیګونو خپلې سیالۍ ځنډولي
د هند په شمالي ښار دهرمساله کې د هند پریمئیر لیګ (IPL) د کرکټ سیالۍ د پنجشنبې په ورځ نیمایي کې ودرول شوه، کله چې په بېلابېلو هندي ښارونو کې بشپړ بریښنا پرې شوه او د جګړې خطر زنګونه ووهل شول.
د هند او پاکستان ترمنځه د شخړې له امله د کرکټ لیګونو خپلې سیالۍ ځنډولي
/ AFP
14 ساعته مخکې

سرچینې د د دې موضوع په اړه د  جمعې په ورځ رویټرز ته وویل د هند د کرکټ بورډ اوس د هند پریمئیر لیګ (IPL) د ځنډولو په اړه غور کوي.

له بلې خوا د پاکستان د کرکټ بورډ مشر محسن نقوي وویل د پاکستان سوپر لیګ (PSL) پاتې سیالۍ به متحده عربي اماراتو ته ولېږدول شي. د پنجشنبې په ورځ په راولپنډۍ کې د PSL سیالۍ د دواړو اټومي وسلو لرونکو ګاونډیو ترمنځ د تاوتریخوالي د زیاتېدو له امله وځنډول شوه. نقوي زیاته کړه چې دا پرېکړه د دې لپاره شوې چې لوبغاړي د "ممکنه بې پروا هدف ګرځېدو" څخه خوندي پاتې شي.

د IPL تنظیموونکو ویلي چې دوی د پاتې سیالیو د برخلیک په اړه د حکومت مشورې ته په تمه دي.

نقوي، چې د پاکستان د کورنیو چارو وزیر هم دی، په یوه بیان کې وویل: "د پاکستان کرکټ بورډ تل دا دریځ نیولی چې سیاست او سپورت باید له یو بل جلا وساتل شي. د یوې مسؤلې ادارې په توګه چې تل یې له ستونزو سره مقابله کړې او د کرکټ لوبې ته یې وده ورکړې، زموږ لپاره مهمه وه چې د PSL ټولو لوبغاړو ذهني روغتیا ته پام وکړو."

د هند د کرکټ بورډ  د یکشنبې IPL سیالۍ چې د پاکستان پولې ته نږدې دهرمساله کې پلان شوې وه، لویدیځ ښار احمد آباد ته انتقال کړې ده.

شوکلا د هند ایکسپریس ورځپاڼې ته وویل: "وضعیت ورځ تر بلې بدلېږي. موږ به هغه څه وکړو چې موږ ته ویل کېږي او ټولو اړوندو خواوو ته به خبر ورکړو. اوس مهال زموږ لومړیتوب د ټولو لوبغاړو، مینوالو او نورو اړوندو کسانو امنیت دی."

د هند د کرکټ بورډ منشي دیواجیت سایکیا د پنجشنبې په ورځ رویټرز ته ویلي وو چې د IPL بهرني لوبغاړي د لوبې دوام ته "راحت" دي. هغه د جمعې په ورځ د نظر غوښتنې ته ځواب ونه وایه.

دواړه هېوادونه له هغه وخت راهیسې په شخړه کې دي کله چې هند د تیرې میاشتې په هند تر واک لاندې کشمیر کې د یوې خونړۍ ترهګرې حملې په ځواب کې د پاکستان په بېلابېلو ځایونو بریدونه وکړل. هند وویل چې په دې برید کې اسلام آباد لاس درلود، خو پاکستان دا تور رد کړ. له هغه وخت راهیسې دواړو هېوادونو د پولې دواړو خواوو ته ډزې او بمبارۍ کړې او یو بل د ډرون او توغندیو بریدونو سره هدف ګرځولی، چې په دې تاوتریخوالي کې نږدې څلوېښت کسان وژل شوي دي.

وپلټۍ
سوډان د تورکیې سوله‌ایز منځګړیتوب وړاندیز ته هرکلی وايي — د سوډان د بهرنیو چارو وزیر.
د لوور په موزیم کې تاریخي بدلون: "موناليزا" لپاره ځانګړې خونه.
د تورکي سریالونه په نړۍ کې د تورکي انځور ته بدلون ورکوي.
دمصر په حتشپسوت معبد کې نوي اثار کشف شول.
د جګړې د جرمونو محکمه په خطر کې ده: دجرمونو نړیوالې محکمې مشر.
'زما یوازینۍ غوښتنه مرګ وو': ژغورل شوي بندي د اسد په زندانونو کې شکنجه افشا کړه.
په نړۍ کې له ۱۰۰۰ څخه زیات ساینس پوهان د غزې د اوربند لپاره لیک لاسلیک کړ.
لبنان د سوریې د اغیزو لاندې نه  د ژغورنې په خاطر په مخ کې ډیره اوږده لار لري.
ایران په اسرائیل کې د ټولنیز پلوه منزوي شوي ځینې یهودان څه ډول د جاسوسانو په توګه جذب کړل؟
د ګولان د لوړو اهمیت او سرائیلو لخوا ددې سیمې د کنټرولو د هلو ځلو لامل په ډاګه شو
اروپایي اتحادیه که روسیه؟ په رومانیا کې دیموکراسي په ریښتیا څوک کمزورې کوي؟
یو فلسطیني ډاکټر چې د غزې نه د وتو څخه انکار کړی وو د اسرائیلو په زندان کې ژوند د لاسه ورکړ.
د اکتوبر په اومه د اسرائیلو او فلسطین د نښتې تاریخي اهمیت
ولې ۲۰۲۴ د بریکس د پرمختګ لپاره یو مهم کال و؟
د شولز تر سقوط وروسته، جرمني خپل ځان د پولې په سر مومي.
ټي آر ټي ګلوبل ته یوه کتنه وکړئ. خپل نظرونه زمونږ سره شریک کړئ!
Contact us