ДҮЙНӨ
2 мүнөт окуу
Армения Азербайжанга Минск тобун таратууну да камтыган тынчтык келишимин сунуштады
Армениянын премьер-министри Никол Пашинян: «Эгерде биз Карабах маселеси боюнча бул бетти жаба турган болсок анда бул маселенин чечилишин максат кылган форматтын эмне кереги бар?",- деди.
Армения Азербайжанга Минск тобун таратууну да камтыган тынчтык келишимин сунуштады

Армениянын премьер-министри Никол Пашинян шейшемби күнү Азербайжан менен тынчтык келишимине кол коюуну жана ЕККУнун (Европадагы Коопсуздук жана Кызматташтык Уюму) Минск тобунун таркатылышына байланыштуу документти бир учурда кабыл алууну сунуштады.

Азербайжандын борбор шаары Еревандагы Улуттук Парламентте сөз сүйлөгөн Пашинян :“Азербайжандын ЕККУнун Минск тобун таркатуу боюнча ортого салган сунушун түшүнөбүз. Чынында, эгерде биз Карабах маселесине таандык бул бетти жаба турган болсок, жаап жатабыз да. Анда бул маселенин чечилишин максат кылган форматтын кереги барбы?”,- деди.

Пашинян ошентсе да ЕККУнун Минск тобунун кеңири контекстинин бар экендигин белгилеп, Еревандын Азербайжандын бул акыркы аракети “өз аймагында кагылышууну токтотуп, Арменияга өткөрүү” катары көрбөгөндүгүнө ишенүүнү каалагандыгын айтты.

Пашинян : “Тынчтык келишиминин түзүлүшүн жана ЕККУнун Минск тобунун бир убакта таркатылышын сунуш кылабыз. Тактап айтканда эки документке бир күндө кол коюлушун каалайбыз”,- деди.

Азербайжан Пашиняндын сунушуна азырын комментарий бере элек.

Карабах согушу

1992-жылы түзүлгөн жана Франция, Россия, АКШ тең төрагалык кылган ЕККУнун Минск тобу Карабах маселесинин чечилишин жеңилдетүүнү максат кылууда.

Бул мурдагы эки советтик республиканын ортосундагы карым - катнаштар 1991-жылы армян армиясынын эл аралык деңгээлде Азербайжандын бир бөлүгү катары таанылган Карабахты жана айланасындагы жети аймакты басып алуусунан бери чыңалууда.

2020-жылдын күзүндө 44 күнгө созулган согушта Азербайжан аймактын көбүн армян оккупациясынан бошотту. Тараптардын ортосундагы согуш Россиянын ортомчулугу менен түзүлгөн тынчтык келишими менен токтоду жана бул келишим менен бирге нормалдашуу, чек араларды тактоо сүйлөшүүлөрүнө жол ачылды.

2023-жылдын сентябрь айында Азербайжан Карабахта толук эгемендикти орнотуп, аймактагы сепаратисттик күчтөр багынып беришти.

Март айында Баку жана Ереван тынчтык келишими боюнча консенсуска жетишкендерин билдиришкен, бирок андан бери эки өлкө тең бири-бирин чек арадагы чабуулдар үчүн айыптап келишет.

Иликте
Трамп 2028-жылы Обама менен ат салышууну "абдан каалаарын" айтты
Кытайдын аскердик күчтөрү  Тайвандын айланасында чоң масштабдуу машыгууларды баштады
Франция соту Марин Ле Пенди коррупция боюнча айыптуу деп тапты
Трамп үчүнчү мөөнөткө президент болуу жолдорун карап жатат
Трамп : «TikTok сатуу үчүн 5 -  апрелге чейин көп сандаган потенциалдуу алуучу бар»
Кытай, Түштүк Корея жана Япония Трамптын тарифтерине каршы эркин сооданы бекемдөө чечимин чыгарды
АКШ Индо-Тынч океан аймагында Кытайга каршы күрөшүүдө Японияны маанилүү өнөктөш деп эсептейт
Мьянмадагы жер титирөө мечиттерди талкалап, жүздөгөн мусулмандардын өмүрүнө коркунуч жаратты
Сирияда Шара жаңы өкмөттү жарыялады
Орус дрондору Украинаны бутага алды, курмандыктар катталды
Израиль Газада тез жардам унааларын бутага алгандыгын кабыл алды
Индия кагылышуу учурунда көп сандаган маочу козголоңчуну өлтүрдү
Иран Трамптын өзөктүк сүйлөшүүлөр боюнча катына жооп берди
Интерпол босниялык  серб лидер Додик үчүн камоо ордерин чыгарды
Мьянмада күчү 7,7 баллга жеткен жер титирөө болду
TRT Global каналына көз чаптырыңыз. Пикириңиз менен бөлүшүңүз!
Contact us