АКШ дүйшөмбү күнү жасаган билдирүүсүндө Асаддан кийин Сирияга жасалган санкцияларды жойгондон кийин Найят Тахрир аш - Шам (ХТШ)тобун террордук тизмеден чыгара аларын белгиледи.

АКШнын Мамлекеттик департаментинин билдирүүсүнө ылайык, ХТШнын террордук уюм катары аныктамасын кайра карап чыгуу жана Сирияга карата Цезарь мыйзамынын санкцияларын толук токтотуу маселеси каралууда. Бул кадам АКШнын президенти Дональд Трамптын көрсөтмөсүнө ылайык ишке ашырылат.

Ошондой эле, ХТШнын жана Сириянын президенти Ахмед Шаранын атайын белгиленген глобалдык террорист статусу, ошондой эле Сириянын терроризмдин мамлекеттик демөөрчүсү статусу кайра каралып, БУУ аркылуу санкцияларды жеңилдетүүнүн кошумча жолдору изилдене тургандыгы белгиленди.

Билдирүүдө : “Бүгүнкү кадамдар Сирия элинин коопсуз, туруктуу жана ийгиликтүү келечекти түзүү жолунда жаңы барак ачат”, - деп айтылды.

‘Туруктуулук жана тынчтык жолу’

Ак үй дүйшөмбү күнү берген маалыматында Трамптын Сирияга карата АКШнын санкциялык программасын токтотуу боюнча президенттик жарлыкка кол койгонун билдирди.

Буга чейин Ак үйдүн басма сөз катчысы Каролин Левитт журналисттерге бул кадамдын Сириянын "туруктуулук жана тынчтык жолун" колдоого багытталганын айткан.

Май айында Трамп Эр-Рияддагы инвестиция форумунда Сирияга карата "катуу жана кыйратуучу" санкцияларды алып салуу ниетин жарыялаган. Бир күндөн кийин ал Сауд Арабиясында Шараа менен тарыхый жолугушуу өткөргөн – бул АКШ менен Сирия лидерлеринин акыркы 25 жыл ичиндеги биринчи жолугушуусу болду.

Сирияны дээрлик 25 жыл башкарган Башар Асад 8 - декабрда ХТШ жетектеген оппозициялык топ Дамаскты колго алгандан кийин Россияга качып кеткен.