Түркия менен Сирия эл аралык кургактыктан ташуу боюнча жаңы түшүнүшүү меморандумуна кол коюшуп, эки өлкөнүн ортосундагы түз кургактыктан ташуулардын кайра башталышына жол ачышты. Бул тууралуу Түркиянын транспорт жана инфраструктура министри Абдулкадир Уралоглу билдирди.

Стамбулда өткөн Глобалдык транспорт байланыштары форумунда Анадолу агенттигине маалымат берген Уралоглу, келишимдин эки өлкөнүн ортосунда 2004-жылы кол коюлган Эл аралык кургактыктан ташуу келишимин кайра жандандырганын белгиледи.

Келишимге ылайык, жүк ташуучу унаалар эми чек арадан жүктөрүн башка унаага өткөрбөй, сооданы тез, жеңил жана үнөмдүү жүргүзө алышат.

Уралоглу келишимдин «чек ара дарбазаларында жүк ташууну токтотоорун жана жүктөрдү Түркия менен Сириянын ортосунда түздөн-түз ташууга» мүмкүнчүлүк түзөрүн айтты.

Министр Уралоглу ошондой эле эки өлкөнүн транзиттик жүк ташуу иштерин баштоону макулдашкандарын, муну менен Түркиядан Иордания, Сауд Арабия, Бириккен Араб Эмирликтери, Катар жана башка Перс булуңундагы өлкөлөргө кургактыктан түз кирүүгө мүмкүнчүлүк түзүлөөрүн айтты.

Ал ошондой эле түрк жана сириялык бийликтер жүргүнчү жана жүк ташуу боюнча түрдүү тармактарда кызматташып, өз ара окуу программаларын уюштура турганын билдирди. 

Түркия менен Сириянын ортосундагы жүк ташуунун кайра башталышы эки өлкөнүн Европа менен Азиянын ортосундагы аймактык соодадагы позицияларын бекемдеп, Ортоңку коридордун Перс булуңу өлкөлөрү менен интеграциясына салым кошоорун белгиледи.

Сирияда ондогон жылдар бою эзүүчү Асад режими кулатылгандан кийин өткөн жылдын декабрь айында, ушул жылдын январында бийликке убактылуу өкмөт келди жана бул окуя өлкөнүн аймактык коңшулары жана дүйнө жүзүндөгү өлкөлөр менен болгон мамилесин бекемдөөгө өбөлгө түздү.