Кытай АКШнын Борбордук чалгындоо башкармалыгынын (CIA) нааразы болгон кытайлык кызматкерлерди мамлекеттик сырларды бөлүшүүгө чакырган видеолорун "ачык саясий чагым" деп айыптады.

«АКШ жаман ниет менен Кытайды каралап гана тим болбостон, кытайлык кызматкерлерди алдап, азгырып, атүгүл түздөн-түз өкмөттүк кызматкерлерди бутага алууда», – деп билдирди тышкы иштер министрлигинин өкүлү Линь Цзянь шейшемби күнү.

Өткөн жумада АКШнын чалгындоо башкармалыгы «кытайлык кызматкерлерди АКШга жардам берүүгө чакыруу» максатында бир нече видеолорду жарыялаган.

ЦРУнун директору Жон Рэтклифф бул видеолорду «ЦРУнун иш ыкмаларын өзгөртүүнүн бир жолу» деп мүнөздөгөн.

Пекин шейшемби күнү АКШны «башка өлкөлөрдүн сырларын уурдоо, ички иштерине кийлигишүү жана саясий бийлигин алсыратуу үчүн ар кандай ыплас ыкмаларды колдонууда» деп айыптады.

«АКШнын Борбордук чалгындоо башкармалыгынын социалдык тармактарда жарыялаган видеолору бул айыптоолорду далилдеген дагы бир мисал», – деген Линь «Кытай муну катуу айыптайт», – деп кошумчалады.

Тыңчылык боюнча айыптоолор

Өткөн айда коопсуздук кызматкерлери, февраль айында Харбин шаарында өткөн Кышкы Азия оюндарында киберчабуулдарга катышкан АКШнын үч «жашыруун агентин» айыпташканын билдиришкен.

Ал эми март айында Кытайдын мамлекеттик коопсуздук министрлиги мамлекеттик сырларды белгисиз чет элдик күчкө берген мурдагы инженерди өлүм жазасына тартканын жарыялаган.

Пекин шейшемби күнү «Кытайга каршы чет элдик күчтөрдүн кирип-чыгуу жана бузуу аракеттерине каршы чечкиндүү чараларды көрүү» убадасын берди.

Кытай «улуттук эгемендүүлүгүн, өнүгүүсүн жана коопсуздук кызыкчылыктарын бекем коргойт», – деп билдирди Линь.