Украинанын парламенти өлкөдө мобилизация жана аскердик абалды дагы 90 күнгө узартуу боюнча эки мыйзам долбоорун бекитти.

Шаршемби күнү украиналык депутат Ярослав Железняк өзүнүн Telegram аккаунтунда, мобилизацияны узартуу боюнча мыйзам долбоору 346 добуш, ал эми аскердик абалды узартуу боюнча мыйзам долбоору 347 добуш менен кабыл алынганын билдирди.

Железняк ошондой эле эки мыйзам долбооруна бирден гана каршы добуш берилгенин айтты.

Украинанын президенти Владимир Зеленский шейшембиде парламентке сунуштаган эки мыйзам долбоору, өлкөдөгү аскердик абалды 9-майдан 6-августка чейин узартууну көздөйт.

Бул узартуу боюнча Кремлдин өкүлү Дмитрий Песков комментарий берип, Украинанын "өзүнүн туруксуз түзүлүшүн сактап калууга аракет кылып жатканын" айтты.

"Киев режими өз атынан эч кандай сүйлөшүүлөрдү жүргүзүүгө азырынча укугу жок. Белгилей кетсек, бул украин президенти үчүн расмий түрдө тыюу салынган", - деди Песков Москвада журналисттерге.

Зеленский 2022-жылдын 24-февралында Орусия Украинага каршы "атайын аскердик операциясын" баштагандан кийин алгач аскердик абалды жана жалпы мобилизацияны жарыялаган.

Андан бери бул чаралар бир нече жолу узартылган.