Түркиянын Коммуникация башкармалыгынын башчысы Фахреттин Алтун жума күнү АКШнын Ирандын өзөктүк объектилерине Израиль менен координацияда жасаган аба соккулары Жакынкы Чыгыштагы чыңалууну күчөтүп, аймактык туруктуулукту бузушу мүмкүн деп эскертти.

Фахреттин Алтун жекшемби күнү өзүнүн X эсебинен жасаган билдирүүсүндө, “.АКШнын Ирандын өзөктүк объектилерине жасаган аба соккулары жана Израилдин Иранга каршы агрессиясына кошулуусу Жакынкы Чыгышта тынчтык жана туруктуулукка эмес, баш аламандыкка жана түшүнбөстүккө алып келүүчү жаңы кадам болуп саналат”, – деп жазды.

“АКШнын Ирак жана Ооганстандагы аскердик кийлигишүүлөрү дүйнө жүзүндө радикалдашууну жана терроризмди күчөткөн сыяктуу эле, Иранга жасалган чабуул да ушундай натыйжаларды жаратышы мүмкүн.”

Түркия аймакта туруктуу тынчтыкты камсыз кылуу үчүн чыңалууну азайтуу жана диалогду колдоо керектигин дайыма баса белгилеп келет. Бирок акыркы окуялар Жакынкы Чыгышка кеңири таасир этүүчү олуттуу чыңалууну көрсөтүүдө.

АКШнын соккуларынан кийин Иран БУУнун Коопсуздук Кеңешин АКШнын агрессиясын айыптап, эл аралык мыйзамдарды бузгандарды жоопко тартуу үчүн шашылыш жыйын өткөрүүгө чакырды.

Алтун: «Американын аскердик кийлигишүүсү менен Европанын саясий картасын өзгөрткөн жана Батышта ксенофобия менен мусулман жек көрүүсүн пайда кылган динамика менен Чыгышта анти-батыш жана антиамерикалык маанайды пайда кылган динамиканын ортосунда түз байланыш бар», - деди.

“Эгерде Америка Кошмо Штаттары Израилдин геноциддик согуш саясатын токтотуу үчүн иштебей, Нетаньяхунун тармагын колдоону уланта берсе, дүйнөлүк тынчтык дагы алыстай берет.”

13-июнда Израиль Ирандын бир нече объектилерине, анын ичинде аскердик жана өзөктүк объектилерге абадан соккуларын жасагандан кийин тирешүүлөр башталып, Тегеран жооп кайтаруу үчүн соккуларды урган.

Израилдин бийлиги Ирандын ракеталык чабуулдарынан бери 25 адам каза болуп, жүздөгөн адамдар жаракат алганын билдирди.

Ошол эле учурда, Ирандын Саламаттыкты сактоо министрлигинин маалыматы боюнча, Израилдин чабуулдарынан 430 адам каза болуп, 3500дөн ашуун адам жаракат алган.

“Биз эл аралык коомчулукту акылга сыярлык нерселерди колдоого чакырабыз; эл аралык системаны бузууга жана провокациялоого аракет кылган жоопкерсиз тармактарга каршы турууга жана аймактык жана глобалдык маселелерди чечүүдө дипломатияга берилгендикти сактоого чакырабыз”, – деди Алтун.

“Түркия катары, биздин президентибиз Режеп Таййип Эрдогандын жетекчилиги астында, биз аймагыбызда жана дүйнөдө туруктуулукту коргогон, цивилизациялар арасында тынчтыкты көтөргөн жана Чыгыш менен Батыштын ортосундагы гармонияны илгерилеткен саясий мамилени карманууну улантабыз”,-деди ал.