Согушуп жаткан атаандаштар Украина менен Россия үч жылдан ашуун убакыттан бери биринчи жолу түздөн түз сүйлөшүүлөргө даярданууда. Бирок бул сүйлөшүүлөргө  Россиянын президенти Владимир Путин катышпайт.

Украинанын президенти Владимир Зеленский бейшемби күнү Стамбулда Путин менен бетме  - бет сүйлөшүүгө чакырган. Бирок орус делегациясынын курамында  төмөнкү деңгээлдеги топ бар.

Украиналык бир жетекчи Түркияда бейшемби күнү Россия менен баштала турган сүйлөшүүлөрдүн качан башталары тууралуу келишимдин түзүлбөгөндүгүн белгилеп орус медиасынын кабарларын төгүнө чыгарды.

Украинанын Улуттук коопсуздук жана коргонуу кеңешинин жетекчиси Андрей Коваленко Telegram тиркемесиндеги билдирүүсүндө, сүйлөшүүлөрдүн эртең мененки саат 10:00дө (10:00 Түркия убактысы боюнча) башталат деген маалымат тууралуу "пландаштырылган эмес жана туура эмес" деп билдирди.

2022 -  жылы февраль айында башталган кол салуулардан бери он миңдеген киши каза болду. Россия Украина жерлеринин дээрлик бештен бир бөлүгүн басып алды жана бул Экинчи дүйнөлүк согуштан берки Европадагы эң жаман кагылышуулардын бири катары кабыл алынууда.

Путин Украина жана Европа өлкөлөрүнн  30 күндүк шартсыз ок атышпоо чакырыгына жооп катары өткөн аптада  15 -  майда Стамбулда сүйлөшүүнү сунуш кылган.

Зеленский бул сунушту кабыл алды бирок бул аптада берген билдрүүсүндө Путиндин жеке өзүнүн катышпашы тынчтыкты каалабагандыгын көрсөтөрүн айтты.

«Бул анын согушу... Ошондуктан сүйлөшүүлөр аны менен жүргүзүлүшү керек»,- деди. Кремлдин делегациясын Путиндин катаал саясатты жактаган кеңешчиси жана мурдагы маданият министри Владимир Мединский жетектейт. Мединский 2022-жылдагы сүйлөшүүлөргө да катышкан.

Буга чейин Америка Кошмо Штаттары менен сүйлөшүүлөрдү жүргүзүүгө жетекчилик кылган башкы сүйлөшүүчүлөр катары аты аталган Путин, тышкы иштер министри Сергей Лавров жана Кремлдин тышкы саясат боюнча кеңешчиси Юрий Ушаков Кремлдин делегациясынын тизмесинде орун алган жок.  

Европанын санкция тууралуу эскертүүсү

Мединский Россиянын Украина боюнча тарыхый дооматтарын ырастаган таасирдүү фигура катары каралууда.

Калган үч сүйлөшүүчү Тышкы иштер министринин орун басары Михаил Галузин, Коргоо министринин орун басары Александр Фомин жана Россиянын ГРУ аскердик чалгындоо агенттигинин директору Игорь Костюков экени белгилүү болду.

Европа лидерлери Стамбулдагы сүйлөшүүлөрдөн жыйынтык чыкпаса, Россияга ылдам түрдө жаңы санкцияларды киргизе тургандарын билдиришти.

Сүйлөшүүлөрдүн жүрүшүндө Зеленский Москванын атынан кимдин катышарына карата Украинанын кийинки «кадамдарын» белгилей тургандыгын айтты.

Зеленский: "Украина бардык сүйлөшүү форматтарына даяр жана жолугушуулардан коркпойбуз. Эртең Түркияга Россиядан кимдин келерин көрүү үчүн күтүп жатам. Андан кийин Украина кандай кадамдарды жасашы керектиги жөнүндө чечим чыгарам", - деди.

Россия сүйлөшүүлөрдүн кагылышуунун «негизги себептерин» карап чыгуу керектигин жактап жатат. Буга Украинаны "нацисттерден тазалоо" жана куралсыздандыруу да кирет.

Өзгөчө Украина орус аскерлери басып алган аймактардан баш тартышы керектигин дагы бир жолу кайталады.

Киев өз аймактарын Россияга таандык деп тааныбай турганын билдирди. Бирок Зеленский Украинанын бул аймактарды дипломатиялык жол менен гана кайтарып ала аларын моюнга алды.

АКШнын тышкы иштер министри Марко Рубио жума күнү Стамбулда болот. Рубио шаршемби күнү Түркиядагы бир НАТО жыйынында Украинанын тышкы иштер минисри Андрей Сибига менен жолугушат.

АКШнын президенти Дональд Трамп болсо шаршемби күнү Түркияда ортомчулук ролун аткара аларын белгиледи.

Трамп Жакынкы Чыгыш турунда өзүн коштогон журналисттерге : «Мен ал жерде болбосом Путиндин болорун ойлобоймун»,- деди.

«Ал жерде болушумду каалаганын билемин жана бул бир ыктымал. Согушту токтото алсак бул тууралу ойлоном»,- деди.