Маданият жана туризм министри Эрсой жарыялаган жетишкендикте Түркия 2025-жылы жээк тилкесиндеги экологиялык стандарттарды сактоо менен дүйнөдө эң көп Көк желектүү пляждары бар үчүнчү өлкө болду.

Көк желектүү пляж - эл аралык деңгээлде таанылган экологиялык стандартка жооп берген пляж дегенди билдирет.

Маданият жана туризм министри Мехмет Нури Эрсой X социалдык медиа платформасындагы билдирүүсүндө: «Жалпы 577 пляж, 29 марина, 18 туристтик кеме жана 8 жеке яхта... Бул ийгиликте дагы бир жолу Антальябыз 233 пляж менен алдыда турат,” - деп маалымдады.

Министр ошондой эле бул ийгиликтин Түркиянын Айлана-чөйрөнү коргоо жана билим берүү фонду (TÜRÇEV), бардык кызыкдар тараптар жана экологияга кам көргөн жарандардын биргелешкен салымы менен жетишилгенин айтты.

Министрликтин маалыматына караганда, Эгей деңизинин жээгиндеги Мугла облусу 110 пляж менен Антальядан кийин экинчи орунда, ал эми Измир 54 пляж менен үчүнчү орунда турат.

Жалпысынан чоң салым кошкон башка облустардын катарына Балыкесир (48 пляж), Айдын (39 пляж), ар биринде ондон ашык Көк желектүү пляждары бар Самсун, Мерсин жана Чанаккале кирет.

Миллиардерлердин яхталары жээктерге токтоодо

Марина категориясында Мугла 10 Көк желектүү маринасы менен алдыда турат, андан кийин Анталья алты жана Измир беш марина менен орун алды.

Анталья ошондой эле туристтик кеме боюнча лидер болуп, 13 Көк желектүү кемеге ээ.

Жакында эле Amazon компаниясынын негиздөөчүсү жана мурдагы башкы директору Жефф Безостун “Flying Fox” аттуу яхтасы Мугланын жээгине токтогон.

Өткөн жылы Манчестер Ситинин ээси Шейх Мансурга таандык 670 миллион долларлык Blue яхта менен Майкрософттун негиздөөчүсү Билл Гейтске таандык ультра люкс Мар яхтасы Мугланын жээктерине келген.

Статистикалык маалыматтарга караганда, 2024-жылы Түркияга 52,2 миллиондон ашуун турист келип, өткөн жылдын рекордунан да, жарыяланган максаттан да ашты.