Украинанын президенти Владимир Зеленскийдин согушту токтотуу үчүн мүмкүн болгон сүйлөшүүлөр үчүн «Путинди Түркияда күтөм» деген соңку билдирүүсү эл аралык маалымат каражаттарынын олуттуу көңүлүн бурду.

Орус президенти Владимир Путин менен боло турган жолугушуу үчүнчү жылына кирип жаткан жаңжалда маанилүү кадам болмокчу.

Дүйнөнүн булуң-бурчундагы маалымат булактары Зеленскийдин билдирүүсүн түрдүү аталыштар жана акыркы жаңылыктар менен жазып, Украина менен Орусиянын Түркияда түз сүйлөшүүлөрүнүн мүмкүндүгүнө көңүл бурушту.

Тынчтык үчүн кел; Түркияга кел

«Аксиос» гезити «Зеленский Путин менен мүмкүн болгон сүйлөшүү үчүн Түркияга барат» деген тема менен жарыялаган кабарда украиналык бир аткаминердин «Орусия дүйшөмбү күнү ок атышпоо жарыялоого макул болбосо да, Зеленский бейшемби күнү Түркияда болот» дегенин билдирген.

«Нью-Йорк Таймс» гезити «Зеленский X боюнча билдирүүсүндө анын катышуусу Орусиянын ок атышпоо келишимин кабыл алуусуна байланыштуу экендигин тактаган жок, бирок ал Орусияны дипломатияга жол берүү үчүн согуштук аракеттерди токтотууга чакырды» деп белгилеген.

Би-Би-Синин маалыматына ылайык, «Украинанын президенти Владимир Зеленский бейшемби күнү Стамбулда орус президенти Владимир Путин менен «жеке» жолугуп, согушту токтотуу боюнча сүйлөшүүгө даяр экенин айтты».

«The Independent» гезити Зеленскийдин X платформасындагы макаласын жарыялады: «Мен Путинди бейшемби күнү Түркияда күтөм. Жеке өзүм. Орустар бул жолу шылтоо издебейт деп ишенем».

«Украинанын президенти Түркиядагы тынчтык сүйлөшүүлөрүнө катышууга макул болду. Бул эки өлкөнүн 2022-жылдан берки алгачкы түз сүйлөшүүсү», — деп жазды Sunday Times.

Босфордун жээгинде күтүп жатып

«Kiev Independent» гезити «Зеленский Путин менен Түркияда жолугушууга даяр, ок атышууну токтоосуз токтотууга чакырды» деген баш макаласын басты.

«Украинанын президенти Владимир Зеленский Орусиядан ок атышууну токтотууну күтөрүн жана 15-майда Түркияда Кремлдин лидери Владимир Путинди жеке өзү күтөөрүн айтты»,-деп билдирди Украинформ.

Сингапурдагы «The Straits Times» гезитинин жазганына караганда, «АКШ президенти Дональд Трамп тынчтык орнотуу мүмкүнбү же жокпу аныктоо үчүн түз сүйлөшүү керек дегенден кийин, Украинанын президенти Владимир Зеленский 11-майда орусиялык кесиптеши Владимир Путин менен Түркияда «жеке» жолугушууга даяр экенин айткан».

Тегеранда жайгашкан Iran Front Page жаңылыктар сайты «Зеленский бейшемби күнү Түркияда Путин менен жолугушууга даяр экенин айтты» деген баш макаласын басты.

Биз жолугуп, сүйлөшөбүз

«The Moscow Times» гезити «Трамп Украинаны Орусия менен сүйлөшүүгө макул болууга үндөдү» деген макаласында Зеленскийдин айтканынан үзүндү берип: «Путинди бейшемби күнү Түркияда күтөм» деп жазган.

Катарда жайгашкан Al Jazeera жаңылыктар каналы да интернет баракчасында бул теманы колдонгон: «Зеленский ок атышпоого үмүттөнөт, Путин менен Түркияда «көзмө-көз» жолугаарын айтты» жана «Украина лидери Орусия менен түз сүйлөшүүдөн мурда ок атышууну толук жана убактылуу токтотууга жетишүү керектигин айтты» деп кошумчалады.

Катар жарым аралы Украина президентинин жолугушууга даяр экенин баса белгилеп: «Зеленский Путин менен Түркияда жеке жолугушууну сунуштады» деп берди.

Түштүк африкалык бир басылма төмөнкүдөй баш макала жарыялады: «Зеленский Трамп ок атышпоо келишимин күтпөөнү айткандан кийин Путин менен жолугарын айтты».

Стамбул сүйлөшүүлөрү

Путин Стамбулдагы сүйлөшүүлөрдү 15-майда улантууну сунуштады.

 Москвадагы маалымат жыйынында Орусиянын президенти Владимир Путин Киев бийлигин 2022-жылдын аягында токтоткон сүйлөшүүлөрдү кайра баштоого чакыргандарын баса белгилеп буларды айтты: «Биз 15-май, бейшемби күнү Стамбулда мурда үзгүлтүккө учураган түз сүйлөшүүлөрдү токтоосуз жана өзгөчө эч кандай шартсыз кайра баштоону сунуштайбыз».

Зеленский X каналындагы билдирүүсүндө Орусияга толук жана туруктуу ок атышпоо сунуштаганын белгилеп: «Дипломатия үчүн керектүү негизди камсыз кылуу үчүн эртеңден тарта толук жана туруктуу ок атышпоону күтөбүз»,-деди.

Путинди 15-майда Түркияда күтөөрүн белгилеген Зеленский: «Путинди бейшемби күнү Түркияда күтөм. Жеке өзүм. Бул жолу орустар шылтоо издебейт деп үмүттөнөм»,- деди.