Эл аралык валюта фондунун (ЭВФ) төрагасынын биринчи орун басары Гита Гопинат соода согуштарынын өнүгүп келе жаткан рыноктордогу борбордук банктар аркылуу ар кандай таасир жараткандыгын, COVID пандемиясы учурунда акча саясатын ылдам жумшарта алгандарын билдирди.

Гопинат Financial Times гезитине берген маегинде тарифтердин өнүгүп келе жаткан экономикаларга жана дүйнөлүк рынокторго болгон күтүүсүз таасири бул өлкөлөрдүн борбордук банктары үчүн ишти кыйындатарын белгиледи.

“Бул жолу кыйынчылыктын пандемияга салыштырмалуу дагы чоң болот,” - деди.

Гопинат Трамптын соода саясатын алдын ала болжолдоого мүмкүн эместигинен улам өнүгүп келе жаткан рыноктордун "туманда адашып баратканын" жана абалдын ого бетер курчуп бараткандыгын билдирди

Трамптын күтүүсүз соода саясаты

Трамп дүйнөдөгү дээрлик бардык өлкөлөрдөн импорттолгон товарларга 10 пайыздык негизги тарифти апрель айында киргизген, ошондой эле болот, алюминий жана автоунаа секторлоруна 25 пайыздык кошумча бажы төлөмдөрүн киргизди.

Өзгөчө ондогон өлкөгө жогорулатылган тарифтерди жарыялады бирок сүйлөшүүлөргө убакыт берүү үчүн аларды ию чейин кечеңдетти.

Өткөн айда АКШ менен Кытай Женевадагы сүйлөшүүлөрдөн кийин тарифтерди убактылуу төмөндөтүү боюнча макулдашкан бирок Трамп кийинчерээк Пекинди келишимди бузуу менен айыптады.

Жума күнү Трамп Пенсильваниянын Уэст-Мифлин шаарындагы митингде болот жана алюминий тарифтерин 50 пайызга чейин эки эсеге көбөйтөрүн жарыялап, дүйнөлүк соода согушун жаңы деңгээлге чыгарарын айтты.

Трамп соода согушунун АКШ экономикасын көтөрөрүнө ишенсе, Экономикалык Кызматташтык жана Өнүгүү Уюму (OECD) АКШнын өсүү болжолун 2.2 пайыздан 1.6 пайызга чейин төмөндөттү. Бул бай өлкөлөрдүн ичиндеги эң чоң өзгөрүү болду.