Түркиянын президенти Режеп Таййип Эрдоган Папа Францисктин дүйнөдөн кайтышына байланыштуу көңүл айтуу билдирүүсүн жарыялап : «Катуу кайгырып жатам»,- деди.

Эрдоган дүйшөмбү күнү Х платформасынан берген билдирүүсүндө : «Католик дүйнөсүнүн руханий лидери, Ватикандын мамлекет башчысы Папа Францисктин дүйнөдөн кайткандыгына баланыштуу терең кайгыруумду билдирем»,- деди.

Францисктин Газадагы геноцид жана Палестина маселеси тууралуу аракеттеринен мактоо менен сөз кылган Эрдоган : «Урматтуу мамлекеттик ишмер Папа Франциск ар түрдүү дин топторунун ортосундагы диалогго маани берген, өзгөчө Палестина маселеси жана Газадагы геноцид сыяктуу гуманитардык трагедияларда демилгени колго алган руханий лидер болгон»,-деди.

Эрдоган сөзүн : «Папанын үй  - бүлөсүнө, Ватикан мамлекетине жана католик дүйнөсүнө жеке өзүмдүн атыман жана элимин атынан көңүл айтамын»,- деп бүтүрдү.

«Дүйнөлүк баалуулуктарга артыкчылык берген лидерликтин үлгүсү»

Түркиянын вице  - президенти Жевдет Йылмаз да Ватикан жана католик дүйнөсүнө көңүл айтты.

Йылмаз: «Дүйнө абийирин жаралаган көптөгөн гуманитардык кризистерге карата көрсөткөн аяр мамилеси, өзгөчө Газадагы геноцид жана Палестина элине каршы жасалган адилетсиздиктерге карата көрсөткөн так жана чечкиндүү позициясы, жалпы адамзаттык баалуулуктарды биринчи орунга койгон лидерликтин үлгүсү катары эсте калат»,-деди.

Маркум папа февраль айында бронхиттен улам Римде бир ооруканага жаткырылып, оорусу кийин эки тараптуу пневмонияга айланды.

38 күндөн кийин ооруканадан чыгарылган Рим папасы Ватикандагы резиденциясында дарыланууну улантты. Ватикан дүйшөмбү күнү Рим папасынын каза болгонун жарыялады.