Америка Кошмо Штаттары жана Израиль колдогон жеке гуманитардык уюм Газага гуманитардык жардам таратууну дүйшөмбү күнү блокададагы аймакка жеткире баштаарын билдирди.
Бул тууралуу Газа гуманитардык фондунун жетекчиси Жейк Вуд жекшембиде кызматтан кеткенден кийин айтылды. Вуд гумандуулуктун, калыстыктын жана көз каранды эместиктин принциптеринде компромисске келе албай тургандыгын билдирип, кызматтан кетээрин жарыялады.
Акыркы эки айдан бери Газага гуманитардык жардам фондунун аткаруучу директору болуп иштеген Вуд фонддун гумандуулук, калыстык, адилеттик жана көз карандысыздык принциптерине ылайык иш кыла албаганын жана ушул себептен кызматтан кеткенин айтты.
Вуд ушул айдын башында Израилдин бийликтерине өзүнүн фондунан жардам алгандардын жеке маалыматын бөлүшпөй турганын жазган.
Февраль айында түзүлгөн фонд Бириккен Улуттар Уюмунун катуу сынына кабылган. БУУнун өкүлдөрү фонддун жардам бөлүштүрүү пландары палестиналыктардын аргасыз жер которуусуна жана зордук-зомбулуктун күчөшүнө алып келиши мүмкүн экенин айтышты.
Starvation in Gaza is devastating children’s bodies and minds, with severe malnutrition halting growth, weakening immunity, and causing psychological trauma.
Мажбурлап көчүрүү коркунучу
Израилдин демилгеси БУУ жана башка гуманитардык уюмдар сыяктуу көптөн бери кызмат кылган уюмдардын ордуна жеке компаниялар иштейт деген идеяга негизделген. Планга ылайык, жардам Израиль Газанын түштүгүндө жайгашат деп айткан чектелген сандагы «коопсуз бөлүштүрүү пункттарына» жеткирилет. Бул Израиль армиясынын курчоого алынган аймактын түндүгүндөгү бардык палестиналыктарды түштүккө жылдырууну каалап жатканы тууралуу кабарларды бекемдейт.
Глобалдык ачкачылык индекси Газада калктын төрттөн бири болгон жарым миллион кишинин ачарчылык коркунучу алдында турганын эскертти.
Израиль 2-марттан бери Газага азык-түлүк, медициналык жана гуманитардык жардам жеткирүүчү өтмөктөрдү жапты. Бул Газанын 2,4 миллион тургунуна таасир эткен ансыз да олуттуу гуманитардык кризисти тереңдетти. Блокада аймакты ачарчылык абалына алып келди, ачарчылыктан улам каза болгондор катталды.
