Түркия Республикасынын Улуттук Коргоо министрлиги быйыл жылдын башында жетишилген келишимдин алкагында АКШ колдогон ЙПГ үстөмдүк кылган Сирия демократиялык күчтөрүнүн Сирия армиясына интеграцияланышын кылдаттык менен көзөмөлдөп жаткандыгын билдирди.

Министрликтин басма сөз катчысы Зеки Актүрк бейшемби күнү Анкарадагы маалымат жыйынында сөз сүйлөп, Дамаск өкмөтү менен Сирия демократиялык күчтөрүнүн ортосунда 10-мартта түзүлгөн келишимге ылайык интеграция процессинин 2025-жылдын аягына чейин бүтүшү күтүлүп жатканын айтты.

Актүрк журналисттерге: «Террордук уюм Сирия демократиялык күчтөрүнүн Сирия армиясына интеграцияланышына байланыштуу окуяларды жеринде жакындан байкоодобуз»,-деп билдирди.

Сирия демократиялык күчтөрү Сирияда ДЕАШ менен күрөшүү шылтоосу менен АКШдан олуттуу аскердик жардам, каржылык колдоо алган жана машыктырылган түзүм жана ПККнын Сириядагы уландысы болгон YPG тарабынан башкарылат.

Анкаранын Сирия боюнча көп жылдык саясатын дагы бир жолу ырастаган Улуттук Коргоо министрлиги Түркиянын Сириянын саясий биримдигин жана жеринин бүтүндүгүн колдой тургандыгын дагы бир жолу баса белгилеп, Актүрк : «Ушунун негизинде Түркия террордук уюмдарга каршы күрөшүү мүмкүнчүлүгүн арттыруу үчүн Сирия башкаруучулугу талап кылган окутуу, кеңешүү жана техникалык колдоо аракеттерин улантат»,-деди.