АКШнын расмий өкүлү учурдагы кагылышуу улантыла турган болсо Израилдин Ирандан келиши мүмкүн болгон алыс аралыкка атуучу баллистикалык ракеталарына каршы коргонуу куралы болгон Arrow ракета запасынын азайып бара жаткандыгын айтты.

Июнь айында жаңжал күчөгөндөн бери Пентагон аймакка кошумча ракета коргоо системаларын жайгаштырган, бирок АКШнын тосмо каражаттарынын тез түгөнүп жатканына тынчсыздануулар күчөп жатат деп АКШнын расмий өкүлү Wall Street Journal гезитине шаршемби күнү билдирди.

Вашингтон коргонуу системаларына болгон кысымды билет жана Израилдин коргонуусун кургактыктан, деңизден жана абадан бекемдеп жатат.

Стратегиялык жана эл аралык изилдөөлөр борборунун Ракета коргоо долбоорунун директору Том Карако, WSJ гезитине берген билдирүүсүндө: “АКШ да израилдиктер да бүтүн күн отуруп ракеталарды тосо алышпайт”,- деди.

Arrow тосмолорун чыгаруучу Израиль Аэрокосмос өнөр жайы бул тууралуу комментарий берүүдөн баш тартты.

Израиль армиясы ар кандай сценарийге даяр экендиигн айтты.

“Тилекке каршы, ок-дарыга байланыштуу маселелер боюнча комментарий бере албайбыз,” – деп билдирди Израиль армиясы.

Ирандын ракеталык мүмкүнчүлүктөрү

Израиль Ирандын өз аймагындагы стратегиялык жана өзөктүк активдерине тикелей чабуул жасай баштагандан кийин, Тегеран ракета өндүрүшүн кайра баштады.

АКШнын коргоо министри Пит Хегсеттин мурдагы улук кеңешчиси Дэн Колдуэллдин эсеби боюнча, Ирандын Израилди бутага ала турган 2 миңге жакын ракетасы бар.

АКШнын Коргоо катчысы Пит Хегсеттин мурдагы кеңешчиси Дэн Колдуэлл Ирандын Израилди бутага ала турган 2000ге жакын ракетага ээ экендигин болжолдоп жатат.

Иран буга чейин түрдүү аралыкка атуу жөндөмдүүлүгүнө ээ он жаңы ракета түүн билдирген. Бирок бул ракеталардын толук саны жана аралыгы белгисиз.

АКШнын чалгындоо кызматы 2024-жылы Ирандын аймактын “эң чоң баллистикалык ракета арсеналына” ээ экенин жана анын тактыгын жана өлүмдүүлүгүн арттырып жатканын айтты.

2013-жылы өткөн парадда Иран 2000 чакырымдан ашык аралыкка учкан ракеталарды көрсөткөн.