Израелските доселеници денеска на окупираниот Западен Брег го претепаа Хамдан Балал, еден од палестинските корежисери на оскаровецот „Нема друга земја“, а потоа бил приведен од израелската армија, објавија активистите кои беа присутни на местото на настанот.

Десетици доселеници го нападнаа палестинското село Сусија во областа Масафер Јата, уништувајќи имот, според активистичката група Центар за еврејско ненасилство, пренесе АП.

Балал  добил повреди на главата, велат активистите.

Додека му била давана прба помош во амбулантно возило, војниците го задржале него и уште еден Палестинец, соопшти групата, додавајќи дека неговата моментална локација е непозната.

„Нема друга земја“, документарниот филм награден со Оскар на  се фокусира на илегалните градби и преземање земјиште од страна на Израел на окупираниот Западен Брег.

Го истакнува животот на палестинските селани под постојана закана од напади од илегални еврејски доселеници и соочени со тековни уривања на домови од страна на израелските сили.

Филмот „Нема друга земја“ е режиран од Израелеците Рејчел Сзор и Јувал Абрахам, како и од Палестинците Хамдан Балал и Базел Адра.