Унгарија очекува да потпише трговски договор со Соединетите Држави во рок од шест месеци што треба да го олесни влијанието на американските царини неодамна воведени од претседателот Доналд Трамп, изјави денеска унгарскиот премиер Виктор Орбан.

„Со Американците разговараме за економски прашања кои би биле од корист за нас. Тарифите ќе бидат негативни за нас, но преговараме за други економски договори за да ги компензираме“, изјави Орбан.

Тој рече дека очекува Републиканската партија да остане на власт во САД 12 години, што, според него, ќе се карактеризира со „патриотско американско-републиканско размислување“.

Се очекува американските тарифи да имаат најголемо влијание врз автомобилската индустрија во Унгарија, која е клучен двигател на економијата на земјата.

Унгарија се обидува да го забрза економското закрепнување и да ја ограничи инфлацијата. САД воведоа царини од 25 отсто за увоз на автомобили, челик и алуминиум од ЕУ.