Турскиот претседател Реџеп Таип Ердоган денеска повика на целосна имплементација на договорот со цел да се обезбеди единство на Сирија, додавајќи дека победници ќе бидат Сиријците.

Туркије ги смета сите напори насочени кон расчистување на Сирија од тероризмот како чекор преземен во вистинска насока, рече Ердоган на настанот за Ифтар во претседателскиот комплекс во Анкара.

За Газа, Ердоган рече дека вечното братство на Анкара со Палестина не може да биде попречено, додавајќи дека земјата ќе продолжи да стои покрај палестинскиот народ.

Изјавувајќи дека масакрите на Израел во Газа во изминатите 471 ден се врежани во човечката историја како дамка на срам, Ердоган повтори дека е невозможно да се зборува за праведно и трајно решение без воспоставување слободна Палестина, заснована на границите од 1967 година, со источен Ерусалим како главен град.

Вчера сириското претседателство објави потпишување на договор меѓу сирискиот претседател Ахмад ал Шара и Ферхад Абди Сахин, нагласувајќи го единството на сириската територија и отфрлајќи ја поделбата.

“Договорот предвидува интеграција на институциите на Сириската Арапска Република и го потврдува територијалното единство, истовремено отфрлајќи секаква форма на поделба”, објави претседателството на Х.

Во него се истакнува дека „учеството и застапеноста на Сиријците во политичките процеси и државните институции врз основа на заслуги, без оглед на нивната религиозна и етничка припадност, е загарантирана.

Исто така, се подвлекува дека курдската заедница е интегрална компонента на сириската држава, а сириската држава ги гарантира правата на државјанството и сите уставни права.