Австралиецот Оскар Пјастри од Мекларен е победник на шестата трка во сезоната во Формула 1, Големата награда на Мајами, што беше негов трет последователен триумф и четврти вкупно во шест трки, со што ја зголеми својата предност во генералниот пласман.

Зад победникот останаа двајца Британци, неговиот колега од Мекларен, Ландо Норис, а трет Џорџ Расел во болидот на Мерцедес.

Макс Верстапен од Ред Бул, кој беше најбрз во саботните квалификации, го освои четвртото место.

Норис се обиде да го престигне Верстапен, кој стартуваше од пол-позицијата, уште на самиот старт, но заврши надвор од патеката и падна за три позиции.

Сепак, Холанѓанецот беше престигнат во 14-от круг од 24-годишниот Пјастри, кој остана на првата позиција до крајот. Норис подоцна успеа да го престигне Верстапен.

Пјастри, кој стартуваше од третата позиција на стартната линија, води во генералниот пласман кај возачите со 131 поен, Норис има 115, а Верстапен има 99.

Следната трка ќе биде Големата награда на Емилија-Ромања во Имола, Италија, на 18-ти. мај. Оваа сезона во календарот има вкупно 24 трки.