Американскиот претседател Доналд Трамп изјави дека размислува за воведување пониски царини за многу земји додека се подготвува да воведе, како што вели, „реципрочни царини“ за нациите ширум светот од 2 Април.

Трамп смета дека зголемувањето на царините ќе придонесе за зголемување на американското богатство, за кое посочи дека е украдено од странски земји. Трамп рече дека наметнувањето на давачките ќе ги поттикне да ги намалат своите финансиски бариери, но рече дека неговата администрација може на крајот да наплаќа на некои земји помалку отколку што тие наплаќаат за американскиот извоз.

„Можеби ќе има пауза, одложување за многу земји, но тоа е реципрочно. Но, можеби ќе бидеме уште пољубезни од тоа. Знаете, долго време сме биле многу добри со многу земји, Јас тоа го нарекувам Ден на ослободувањето. 2 април е Ден на ослободувањето“, рече Трамп, мислејќи на неговиот краен рок.

Со воведувањето на неговиот план за реципрочни царини Трамп доведе до пад на глобалните пазари поради загриженоста за рецесија на американската економија. Тој во петокот рече дека ќе има флексибилност на неговиот план за реципрочни тарифи, откако се чинеше малку веројатно дека ќе дозволи исклучоци.