ТРТ Ворлд на Њујорк Фестивалот на ТВ и Филмски награди 2025 (New York Festivals TV & Film Awards 2025) доби четири престижни награди.
На ова натпреварување, кое спаѓа меѓу најпрестижните во светот на медиумите, ТРТ Ворлд повторно го потврди својој успех во различни области, од истражувачко новинарство до меѓународни односи, актуелни настани и категории за промоција.
Златниот Тулпан беше доделен на нашиот документарен филм „Свето искупување“ (Holy Redemption) во категоријата Истражувачко новинарство. Истиот проект доби Сребрен Тулпан во категоријата Меѓународни односи.
Во документарецот Свето искупување, екипата на ТРТ Ворлд се инфилтрираше меѓу илегалните радикални еврејски доселеници на Западниот Брег, добивајќи ексклузивни и шокантни снимки кои ја документираат систематската кражба на земјиштето на Палестинците. Проектот ја прикажува оваа динамика преку храбар новинарски јазик, истакнувајќи ги прекршувањата на човековите права, предизвиците со кои се соочуваат цивилите во регионот и како меѓународното право се игнорира.
Во категоријата за Промоција на новинарски програми, Сребрен Тулпан беше доделен за ТРТ Ворлд Промо Годишница (TRT World Anniversary Promo), кој беше подготвен по повод 9-годишнината на каналот.
Овој промотивен филм визуелно го пренесе контекстот и визијата на каналот на силен и впечатлив начин.
Другиот Сребрен Тулпан беше доделен за документарецот Јемен: Третата граница (Yemen: The Third Frontier) во категоријата Актуелни настани.
Овој проект ги откри хуманитарните аспекти на продолжените конфликти во Јемен и ја осветли невидливата страна на војната. Екипата на ТРТ Ворлд обезбеди специјален пристап до првиот брод одземен од Хутите, Глакси Лидер(Galaxy Leader), доносувајќи шокантни снимки од жешките точки на конфликтот, пренесувајќи ги драматичните проблеми како што се зголемената глад, тешкотиите во пристапот до здравствени услуги и недостатокот на хуманитарна помош во Јемен.
Овој успех повторно го потврдува влијанието на ТРТ Ворлд на глобалната медиумска сцена и покажува дека продолжува да ја пренесува својата висококвалитетна новинарска визија до светската јавност.
