Бронзената статуа на римскиот император Марк Аврелиј, која нелегално беше ископана од Туркије во 1960-тите, по повеќе од половина век е вратена во земјата.

Церемонијата по повод официјалното враќање на статуата во Туркије се одржа во Музејот на уметност во Кливленд во САД.

Заменик-министерот за култура и туризам на Туркије Гохан Јазги ја сподели оваа вест преку социјалните мрежи, истакнувајќи дека статуата на Марк Аврелиј ќе биде вратена таму каде што припаѓа.

Уникатната бронзена статуа на римскиот император Марк Аврелиј, која го прикажува неговиот филозофски идентитет, била илегално извезена од античкиот град Бурбон во 1960-тите.

„По речиси 65 години научни, правни и дипломатски напори, статуата на Марк Аврелиј конечно се враќа во својата татковина, античките анадолски земји“, рече Јазги.

Пред враќањето во Туркије, ова ремек дело ќе биде изложено на специјална тримесечна изложба во Музејот на уметност во Кливленд.

„Во јули таа ќе се врати во својата културна средина, каде повторно ќе живее. Така долгото патување на Марк Аврелиј конечно ќе заврши во земјата каде што припаѓа“, заклучи Јазги.