На седум медицински професионалци кои се грижеа за легенданиот аргентински фудбалер Диего Марадона пред неговата смрт денеска во Буенос Аирес ќе им се суди за убиство од небрежност.

На судењето обвинителството ќе презентира повеќе од 120.000 пораки и аудио снимки од приватни разговори меѓу луѓето вклучени во грижата за Марадона - вклучително и неговиот мозочен хирург и психијатар.

Фудбалската легенда почина откако доживеа срцев удар во неговиот дом во аргентинската престолнина, каде што се опоравуваше од операцијата за отстранување на згрутчување на крвта на мозокот, во ноември 2020 година.

Случајот против здравствените работници се темели околу наводите дека небрежноста придонела за неговата смрт.

Марадона со децении се бореше со дебелината, алкохолизмот и зависноста од дрога, но  обвинителите заклучија дека смртта на Марадона можела да се избегне, да не било невниманието на неговите лекари. Конкретно постои сомневање дека презеле одредени дејствија за кои знаеле дека може да доведат до смрт на фудбалерот.

Седум од осумте лица обвинети во случајот - вклучително и хирургот на мозокот на Марадона, психијатарот и медицинските сестри - сега им се суди за убиство од небрежност, кривично дело слично на ненамерно убиство.

Тие негираат дека сториле нешто лошо, но може да се соочат со затворска казна до 25 години.

Неврологот на Марадона, Леополдо Луке, кој со години му служеше како личен лекар и ја изврши операцијата за отстранување на згрутчувањето на крвта во мозокот, е еден од седумте лица на кои им се суди, како и психијатарот Агустина Косачов, која му ги препишала лековите на Марадона.

Петте други обвинети се: специјалистот за зависности Карлос Дијаз, кој го надгледувал третманот на поранешниот фудбалер за зависност од алкохол; Ненси Форлини, докторка која помогна во управувањето со неговата домашна нега; координатор за нега Маријано Перони; Рикардо Алмирон, друга медицинска сестра која се грижела за поранешниот спортист и клинички лекар Педро Пабло Ди Спања.

Обвинета е уште една медицинска сестра на која ќе ѝ се суди во одвоена постапка.

Обвиненијата се појавија откако обвинителството собра медицински одбор за да види дали има докази за убиство од небрежност од страна на медицинските лица на Марадона.

Во експлозивен извештај, објавен во 2021 година, одборот го обвини тимот на Марадона дека постапил на „несоодветен, оскуден и непромислен начин“.