Маркети,аптеки, продавници за техника и мебел од денеска е мораат своите цени да ги објавуваат на интернет. Тоа е предвидено во измените на Законот за заштита на потрошувачи кои стапуваат во сила, а претходно беа усвоени од Собранието.

На интернет страницата на трговецот мора да биде истакната тековната продажна цена, единечната цена, промотивната или попустната цена за секој одделен продажен објект на трговецот, а секоја промена на цената итно мора да се ажурира.

Ажурирањето се прави најдоцна до 10 часот, а ако има промена која не е вметната, грешката мора да се исправи во рок од 24 часа.

Податоците мора да бидат достапни за мал, среден и голем трговец што врши трговија на мало. Трговците цените треба да ги објават на јасен и достапен начин во посебен дел кој ќе биде означен како “Ценовник”.

За оние кои нема да ја испочитуваат законската обврска следат казни од 500 до 10 000 евра во зависност од големината на трговецот или времено затворање на маркетот во траење од 15 дена.

Мерката нема да важи за трговците кои имаат до 10 вработени.