Судбината на владините договори на „Спејс Екс“ вредни приближно 22 милијарди долари е во прашање, но неколку американски вселенски програми се соочуваат и со промени поради ескалацијата на конфликтот меѓу милијардерот Илон Маск и американскиот претседател Доналд Трамп, предизвикан од несогласувањето околу законот за даночни стимулации што значително ќе ги зголеми владините трошоци.

Поранешниот советник на американскиот претседател Доналд Трамп, Стив Бенон, изјави дека Трамп треба да издаде извршна наредба со која, користејќи го законот за мобилизација на националната безбедност од ерата на Корејската војна - познат како Закон за производство на одбраната, ќе ја преземе контролата врз компанијата на Илона Маск, СпејсИкс, и дека Маск треба да биде депортиран во Јужноафриканската република.

Бенон, кој е познат и како критичар на Маск, го кажа ова во својата емисија „Воена соба (War Room Live) и заклучи дека американската влада треба да го преземе СпејсИкс, и дека безбедносната дозвола на Маск треба да биде поништена, а сите федерални договори со неговите компании да бидат суспендирани додека трае истрагата, објави Њујорк Тајмс.

Како што рече, треба да се започне и процесот на депортирање на Маск.

„Илон Маск е нелегален. И мора да си оди. Треба да има официјална истрага за неговиот имиграциски статус бидејќи цврсто верувам дека тој е нелегален имигрант и дека треба веднаш да биде депортиран од земјата“, рече Бенон.

Тој исто така додава дека властите треба да покренат истрага против Маск за употреба на наркотици.

Маск е роден во Преторија, Јужна Африка, добил канадско државјанство во 1988 година благодарение на неговата канадска мајка, модел, и студирал на Универзитетот во Пенсилванија.

Компанијата СпејсИкс добива милијарди долари во договори од американската влада, вклучувајќи ги и оние што финансираат заеднички проекти со НАСА.

„Тој е сèзнајко. Знае нешто за инженерството, да не ме сфатите погрешно. Но тој не знае ништо за реалниот свет“, рече Бенон.

Коментарите на Банон дојдоа откако Трамп и Маск разменија закани за прекин на владините договори за компаниите на Маск.