Во тек е престрелка меѓу безбедносните сили и тешко вооружените Припадници на милитантната сепаратистичка организација Ослободителната војска на Балуџистан, кои тврдат дека зеле 500 патници како заложници по нападот врз воз во југозападен Пакистан .

Напаѓачите отвориле оган во возот Џафар експрес на пат од Пешавар и зеле патници како заложници, јавуваат пакистанските медиуми.

Забранетата Ослободителна армија на Балоџистан (БЛА), во изјава до локалните медиуми, ја презеде одговорноста за нападот.

Тврди дека нејзините милитанти држат над 500 патници, меѓу кои и припадници на безбедносните сили, како заложници.

Во операцијата учествуваат и дронови и хеликоптери, а конфликтот се уште трае.

„Доколку воздушните напади не престанат, наскоро ќе почнеме да ги убиваме заложниците“, се вели во најновото соопштение на Ослободителната војска на Белуџистан.

Инцидентот се случил во планинскиот предел на оддалечениот округ Болан, во југозападната провинција Балоџистан, кога група милитанти детонирале експлозиви на железничката пруга и отвориле оган врз возот, при што критично бил повреден возачот, потврди официјален претставник.

Портпаролот на Владата на Балоџистан, Шахид Ринд, изјави дека дополнителни трупи се испратени на местото на нападот, каде што безбедносните сили се соочуваат со напаѓачите.

Непотврдени извештаи сугерираат дека во нападот има повеќе жртви.

БЛА и неколку други групи долго време се вмешани во нападите врз безбедносните сили и граѓаните од други провинции.

Тие се борат за „ослободување“ на Балоџистан, тврдејќи дека регионот бил насилно припоен кон Пакистан по крајот на британската колонијална власт во обединета Индија во 1947 година.