Со оваа нова инфраструктура, аеродромот „Истанбул“ стана прв аеродром во Европа што воведува ваква практика и втор во светот по САД.

На церемонијата по повод почетокот на тројните операции, турскиот министер за транспорт, Абдулкадир Уралоглу, изјави дека од денес ќе може три авиони истовремено да слетуваат или да полетуваат на целосно посебни писти.

„Ова не е само за пвпат за Туркије туку и за европската авијација и претставува вистинска пресвртница за глобалниот авионски сообраќај. По САД, Туркије е единствена земја што го има имплементирано овој систем“, нагласи министерот.

Уралоглу потсети дека аеродромот „Истанбул“, визионерски проект за Туркије, уште од отворањето на 29 октомври 2018 година е вистински светски репрезент.

„Со годишен капацитет од 90 милиони патници, аеродромот 'Истанбул' ја доведе Туркије меѓу водечките сили во глобалната авијација. Овој модерен комплекс, кој пречекува милиони патници од целиот свет, стана симбол на економската и културната моќ на Туркије.“

Тој додаде дека аеродромот во 2019 година, само првата година од неговото работење, опслужил над 52 милиони патници, а во 2023 година таа бројка се зголемила на над 76 милиони.

Според најновите податоци од Дирекцијата за државни аеродроми на Туркије (DHMI), аеродромот„Истанбул“ во 2024 година опслужил околу 80 милиони патници, што го позиционира како најголем и втор најпрометен аеродром во Европа.