Türkiye Respublikasynyň Içeri işler ministrliginiň Tebigy apatlar we adatdan daşary ýagdaýlar edarasy AFAD Ortaýer deňzinde 5,8 bal ululygynda ýer titremäniň bolandygyny habar berdi.

Türkiyäniň günorta-günbataryndaky Mugla welaýatynyň Marmaris etrabynyň suw giňişliginde, kenarýakadan 10,43 km uzaklykda bolandygy bellenen ýer titremäniň ýeriň 67,91 km aşagynda emele gelendigi mälim edildi.

Mugla welaýatynyň häkimi Idris Akbyýyk gözegçilik işleriniň dowam edýändigini habar berdi.

Idris Akbyýyk X platformasyndan beren beýanatynda häzirki wagta çenli hiç hili oňaýsyz wakanyň hasaba alynmandygyny we uly zyýanyň çekilendigi barada hiç hili maglumat almandyklaryny beýan etdi.