Polşa goňşusy bolan Ukrainanyň günbatarynyň Russiýanyň uly göwrümli hüjümlerine sezewar galmagyndan soň howa giňişliginiň kepillik astyna almak üçin harby uçarlaryny asmana galdyrdy.
Warşawa Operasiýa serkerdeligi duşenbe güni sosial medianyň üsti bilen beren beýanatynda: “Russiýa Federasiýasynyň Ukrainanyň çägine güýçli howa hüjümlerini guramagy sebäpli polýak we ýaran uçarlar irden Polşanyň howa giňişliginde işjeň ýagdaýa geçdi” diýip habar berdi.
Riwne şäheriniň häkimi Oleksandr Tretýak tarapyndan berlen maglumata görä Russiýa düýn gije front liniýasyndan geçip, Ukrainanyň günbataryna ençeme uçarmansyz howa ulagy we raketalar bilen hüjümler gurandygyny aýtdy we ony sebite garşy “iň uly hüjüm” hökmünde häsýetlendirdi.
2024-nji ýylyň mart aýynda NATO-nyň agzasy Polşa howa giňişliginiň Russiýanyň ganatly raketasy tarapyndan bozulandygyny habar berdi we Moskwadan düşündiriş talap etdi.
Şoňa meňzeş waka 2023-nji ýylyň dekabr aýynda bolupdy. Ol wagt hem bir rus raketasy Ukraina girmeden ozal birnäçe minutlap Polşanyň howa giňişligine giripdi.
